Elikadura osasungarria
Elikadura-segurtasuna
EROSKIren Kalitatea Kudeatzeko Ereduak kalitate eta segurtasun arauak bermatzen ditu gure produktu eta zerbitzuetan. Zenbait arau, prozesu, prozedura eta tresnen arabera egituratzen da; elementu horiek elkarri loturik doaz balio-kate guztian, eta bermatzen dute merkaturatzen ditugun produktuak berme guztiak betetzen dituztela, elikadura-segurtasunari dagokionez.
Informazio gehiago
Elikadura orekatua eta jasangarria
Osasunarekin dugun konpromiso ukaezina dela eta, saltzen ditugun produktuen elikadura-segurtasuna bermatu baino gehiago egiten dugu. Hori dela eta, egunero dihardugu kontsumo aukera orekatuagoak eta osasungarriagoak eskaintzeko eginkizunean.
Horrez gain, 2019an, palma eta koko gantzak ere ezabatu ditugu marka propioko 64 erreferentziatan, eta aurrerapauso bat egin dugu 2021erako dugun helburua betetzeko: marka propioko produktuetako gantz horien % 100 kentzea.
Informazio gehiago
Produktuaren nutrizio-mailaren hobekuntza
EROSKIn lan egiten dugu gure produktuen osaeran nutrizio-profila hobetzeko behin betiko. 2019az geroztik, 60 erreferentzia birformulatu ditugu helburu horrekin. Ondorioz, gure marka propioaren % 70ak A, B edo C balorazioa du Nutri-Score etiketan. Gainera, marka propioko 44 erreferentzia birformulatu ditugu “Elikagaien eta Edarien Osaera Hobetzeko Lankidetza Plana eta 2020ko beste neurri batzuk” programaren barruan hartutako konpromisoaren parte gisa, Elikadura-segurtasuneko eta Nutrizioko Espainiako Agentziaren (AESAN) Nutrizioa, Jarduera Fisikoa eta Obesitatearen Prebentzioa (NAOS) estrategiaren barruan. Helburua da % 10era murriztea azukre erantsiak, gantz aseak eta gatza 2020rako.Horrez gain, 2019an, palma eta koko gantzak ere ezabatu ditugu marka propioko 64 erreferentziatan, eta aurrerapauso bat egin dugu 2021erako dugun helburua betetzeko: marka propioko produktuetako gantz horien % 100 kentzea.
Produktuek nutrizio eta oreka aldetik dakarten informazioa
EROSKIn badakigu kontsumitzaileei ematen diegun informazioa zein garrantzitsua den haien interesak zaindu eta babesteko; izan ere, horrela bakarrik har ditzakete haien beharren araberako erabaki informatuak. Uneoro betetzen dugu etiketatzeari buruz dagoen araudia produktu bakoitzean eta gure marka propioaren eskakizunekin. Informazio gehigarria eskaintzen dugu piktogramen bidez alergenoak errazago identifikatzeko, baita nutrizio-informazioa eskaintzen duten sistemak ere, hala nola nutrizio-semaforoa edo Nutri-Score. 2019an, Nutri-Score etiketa gehitu dugu dendetako gure marken produktu guztietan, baita 773 produkturen ontzietan eta Bazkide Bezeroei proposatutako otordu osasungarrietan errezeta guztietan ere. EROSKI Clubek osasun arloko programa aitzindari bat du, eta doan eskaintzen ditu informazio pertsonalizatua eta pizgarriak, gure Bazkide Bezero guztiek elikadura eta erosketa osasungarriagoa eta orekatsuagoa izan dezaten. Haren helburua da bezeroa orientatzea elikagaiei buruz: zein kopurutan eta maiztasunekin erabili, bai berak baita etxeko gainerako kideek ere, elikadura orekatua izateko.Informazio gehiago
Nutrizio behar espezifikoak
Bereziki aintzat hartzen ditugu gaixotasunak direla-eta sortzen diren elikadurako behar espezifiko batzuk, hala nola zeliakia, alergiak eta intolerantziak. Lan egiten dugu gure produktuen eskaintza segurua, nahikoa erosketa arrunt baterako eta prezio egokikoa izan dadin haientzat.
2019an, berritu egin dugu Lankidetza Hitzarmena Euskadiko Zeliakoen Elkartearekin, eta lankidetza-hitzarmen berri bat sortu Errioxako Zeliakoen Elkartearekin. Lanean jarraitzen dugu glutenik gabeko gure produktuen eskaintza hobetzen, bai gure marka propioan baita beste fabrikatzaileen markatan ere. Une honetan, 3.000 produktu inguru ditugu glutenik gabe; haietatik, 2.400 hainbat markatakoak dira, eta 550, berriz, gure markakoak.
Informazio gehiago
Osasunari eta jasangarritasunari buruzko informazioa
CONSUMER EROSKI da EROSKI Taldearen proiektu informatiboa, gure kontsumitzaileak prestatzeko, informatzeko eta bidea errazteko bizimodu osasungarriagoa eta jasangarriagoa izan dezaten, produktu informatibo egiazko, independente, praktiko eta errazen bidez. Argitalpen honen bidez, gaztelaniaz, katalanez, euskaraz eta galegoz eskuragarri, elikadura, elikadura-segurtasuna eta osasunarekin erlazionatutako gaiak jorratzen ditugu, baita kontsumitzaileen interesekoak diren beste zenbait gai ere: ingurumena, solidaritatea, etxeko animaliak, haurtxoak, aurreztea edo etxeko ekonomia.
2019an zehar, hobetzeko eta irakurle nahiz kontsumitzaileei laguntzeko nahiarekin jarraitu dugu, eta haien
interesekoak diren atalak gehitu ditugu. Hainbat profesionalez gain, elkarlanean aritzen dira, besteak beste: Espainiako Diabetikoen Federazioa (FEDE), Espainiako Bihotzaren Fundazioak (FEC), Azti-Tecnalia zentro teknologikoa eta Espainiako Lehen Mailako Arretako Pediatria Elkartea (AEPap).
Informazio gehiago
Elikadura eta ohitura osasungarriak haurtzarotik
Informazioa eta prestakuntza oinarrizko tresnak dira elikadurari dagokionez erabaki egokiak hartzerakoan. Hori dela eta, haurren gizentasuna prebenitzen duen elikadura sustatzen dugu, eta heziketa-tresnak eskaintzen dizkiegu haurrei, erabaki hobeak har ditzaten haien elikadurari buruz, modu kontziente eta dibertigarrian.
Elikadura Eskola EROSKI Fundazioaren ekimen hau 2013an sortua da, herritarren artean elikadura eta ohitura osasungarriak sustatzeko. Bertan elkartzen dira osasunaren eta hezkuntzaren arloko profesionalak, gurasoak, ikasleak eta elikadura eta ohiturak hobetzeko konpromisoa duten gainerako herritarrak.
Informazio gehiago
Elikadura Eskola EROSKI Fundazioaren ekimen hau 2013an sortua da, herritarren artean elikadura eta ohitura osasungarriak sustatzeko. Bertan elkartzen dira osasunaren eta hezkuntzaren arloko profesionalak, gurasoak, ikasleak eta elikadura eta ohiturak hobetzeko konpromisoa duten gainerako herritarrak.
Informazio gehiago