Persoas traballadoras

1. 1

   Fomentamos a participación

2. 2

   Promovemos o desenvolvemento persoal e profesional a través da mellora dos coñecementos, aptitudes e habilidades

3. 3

   Sentimento de pertenza: estamos orgullosos/as de pertencer a EROSKI e procuramos as áreas de mellora

4. 4

   Impulsamos a información e a comunicación de xeito bidireccional dentro da organización

5. 5

   Grazas á solidariedade interna, primamos o colectivo sobre o individual e o longo sobre o curto prazo

6. 6

   Dinamismo para se adaptar ao cambio e promover a innovación

7. 7

   Orientados á clientela para adaptármonos e anticipar as súas necesidades

8. 8

   Melloramos continuamente as condicións do traballo para garantir unha calidade de vida axeitada

9. 9

   Solidariedade externa para retornar á sociedade o que nos achega

10. 10

    As persoas que traballamos na cooperativa aspiramos ao máximo nivel de profesionalización

EROSKI S. Coop., seguindo os seus valores corporativos, aplica o principio de solidariedade retributiva en toda a organización, o que se traduce, a nivel interno, nun estreito abano salarial entre os postos con menor responsabilidade e os de alta dirección: en concreto, o abano salarial en 2018 foi de 8,29. Por outra banda, a nivel externo, a solidariedade retributiva implica que a remuneración do Consello de Dirección é entre un 68 % e un 73 % inferior ao valor do mercado. Máis información

En EROSKI consideramos que a igualdade de oportunidades entre mulleres e homes é un principio básico e estratéxico da xestión da organización. Acabar coa desigualdade supón un proceso de cambio directamente relacionado coa nosa cultura cooperativa e igualitaria. Neste sentido, EROSKI réxese polo principio de non-discriminación xa contemplado nos seus estatutos fundacionais, non só no relativo ao xénero, senón tamén á raza, á orientación sexual, ás crenzas relixiosas, ás opinións políticas, á nacionalidade, á orixe social, á discapacidade ou a calquera outra característica que puidese orixinala. Con este fin, contamos dende 2005 cunha Comisión para a Igualdade responsable da realización e actualización periódica do Diagnóstico e o Plan para a Igualdade de Mulleres e Homes de EROSKI, e co Observatorio da Igualdade, unha ferramenta para comprobar o cumprimento deste principio en toda a organización. Máis información

Unha das áreas de traballo do noso Plan de Igualdade é a conciliación da vida persoal e profesional. En materia de conciliación, EROSKI conta con permisos adicionais aos que establece a lexislación e impulsa contornos e horarios de traballo que permitan un equilibrio entre a vida persoal e profesional. Máis información

En EROSKI temos o compromiso de protexer e mellorar a saúde do noso persoal, desenvolvendo para iso un labor proactivo en materia de seguridade e saúde. Actuamos nos eidos da prevención, formación e fomento da saúde, melloramos de forma continua os nosos sistemas de prevención de riscos laborais e integrámolos na xestión global da empresa. Máis información

Potenciar o desenvolvemento profesional e persoal dos equipos de EROSKI constitúe un dos tres piares do Plan Estratéxico para o 2020, polo que situamos a formación das persoas como unha das claves na mellora competitiva. A través da capacitación do noso cadro de persoal buscamos constituír equipos de traballo de alto rendemento, incentivar o crecemento profesional e fomentar a cultura cooperativa de autoxestión. Máis información

O modelo cooperativo de EROSKI caracterízase por unha alta implicación dos traballadores en toda a organización. Para facer isto posible, contamos cun modelo de xestión que favorece a escoita activa e a comunicación continua, elementos chave para garantir a transparencia e motivación do noso persoal e facilitar o desenvolvemento dun traballo de calidade. Máis información

En 2018 colaboramos con 41 organizacións que traballan con persoas de colectivos desfavorecidos ou en risco de exclusión social, como Cruz Vermella, a Asociación Zabaltzen sartu, a Fundación Ilundain ou Koopera. Nestes cursos participaron 391 persoas, 75 das cales foron contratadas pola organización trala súa finalización.

En VEGALSA-EROSKI apostamos pola capacitación e a incorporación de persoas con diversidade funcional na nosa actividade a través da activación de proxectos como o lanzamento en 2016 da marca de hortalizas “We, A Alegría da Horta”, en colaboración coa Asociación Down Coruña, ou o acordo en 2017 coa firma viguesa Freshcut co obxecto de incorporar os seus produtos de quinta gama nos nosos lineais. Esta empresa, co 80 % do seu cadro de persoal composto por persoas con diversidade funcional, prové produtos como cremas de verduras e purés de froita variada, que se comercializan baixo a marca Galifresh.

En GUREAK y EROSKI consolidamos o noso proxecto para a integración social e laboral de persoas con discapacidade, que desenvolvemos de forma conxunta coa inauguración do novo supermercado en Vitoria, xestionado integramente por persoas con discapacidade. Hai tres anos puxemos en marcha unha iniciativa de innovación social coa ilusión de estendela. O balance positivo das experiencias anteriores confirma a competitividade do noso modelo de tenda franquiada, aberta a ser compartida con emprendedores, cooperativas e empresas da economía social co obxectivo de crear emprego e riqueza no noso contorno e de avanzar na diversificación do emprego social.