Nor gara

Inbertitzaileentzako informazioa

Eroski S Coop-en Gobernu Korporatiboaren bereizgarritasuna, besteak beste, sozietate nagusia kontsumoko kooperatiba bat izatean datza. Horregatik, kontsumitzaileek zein langileek sozietatean parte hartzen dute, eta baita haren kudeaketan eta erabakietan ere.

Balore Merkaturaren Espainiako Batzordearekiko komunikazioa

Orrialde honetatik kontsulta ditzakezu Sozietateak Balore Merkatuaren Espainiako Batzordeari (CNMV) bidalitako jakinarazpenak, merkatuari informazio garrantzitsua berehala jakinarazi eta zabaltzeko. Jakinarazpenak honela sailkatzen dira: informazio pribilegiatua izaten dute batetik eta bestelako informazio garrantzitsua bestetik.

Informazio pribilegiatua izaera konkretukoa da, ez publikoa, jaulkitzaile edo tresna finantzario bati buruzkoa, eta, publiko eginez gero, eragin nabarmena izan dezake prezioan; bestelako informazio garrantzitsuak, berriz, ez dio eragiten prezioari.

Horretaz gainera, eskura duzu Sozietateak igorritako informazio ekonomikoa, tarteko informazio finantzariorako eta urteko finantza txostenetarako sarbidea baliatuz.

Balore Merkatuaren Espainiako Batzordeari egindako komunikazio guztiak eskura daude webgunean, formatu elektronikoan. Zuzenean kontsulta ditzakezu honako lotura hauek erabiliz:

• Informazio pribilegiatua
• Bestelako informazio garrantzitsua
• Tarteko informazio finantzarioa
• Urteko finantza txostenak

Informazio ekonomiko finantzarioa

Senior bonu bermatuak

Eroski S. Coop.ek, uztailaren 20ko 11/2019 Legearen 68.4 artikuluaren arabera jaulkipenan eta zirkulazioan jarritako lege-betebeharra da, Euskadiko kooperatibena,  500 milioi euroko zenbatekorekin.

Obligazio horiek bonu seniorren jaulkipenean gauzatzen dira, AEBko legediaren arabera zuzenduak, zehazki New Yorkeko estatuaren arabera.

Senior bonu bermatuak

Senior bonu bermatuen jaulkipena

Senior bonu bermatuen jaulkipenaren itxiera

Ekintza eta bere kapital soziala

Eroski S Coop-en Gobernu Korporatiboaren bereizgarritasuna, besteak beste, sozietate nagusia kontsumoko kooperatiba bat izatean datza. Horregatik, kontsumitzaileek zein langileek sozietatean parte hartzen dute, eta baita haren kudeaketan eta erabakietan ere. Ondorioz, EROSKI bi komunitatetan antolatuta dago: alde batetik, 1.118.006 Kontsumo Bazkide (hau da, aurreko urtean baino %5,06 gehiago, 53.883 kontsumo-bazkide berrirekin), beren izaera kontsumitzailearen inguruko kontzientzia berezia duten eta kooperatiban parte hartzea erabakitzen duten pertsonak; eta bestetik, 10.017 Lan Bazkidek (horietako 8.127 EROSKI S.Coop.-eko bazkideak) beren kapitala eta lana eskaintzen dute erakundearekin duten konpromisoaren esparruan.

Kooperatibaren kapitala osatzen dute helburu horretarako bazkideek burutzen dituzten ekarpenek, derrigorrezkoak nahiz borondatezkoak izan. Izendun titulu bidez egiaztatzen dira. Estatutuetan xedatutako mugapenaren ondorioz, bazkide bakar batek ezin du Kooperatibaren Kapital Sozialaren %25 baino gehiago eduki. Ekarpenen zenbatekoa kooperatibako bazkideen Batzar Orokorrak erabakitzen du urtero.

Zer dira EROSKIren Mendeko Finantza-ekarpenak?

EROSKIren Mendeko Finantza Ekarpenak EROSKIren produktu finantzarioa dira. Produktu hori Balore Merkatuaren araudiaren mende dago eta, 2012ko uztailetik, SEND negoziazio-plataforman kotizatzen du.

EROSKIren Ekarpenen errentagarritasuna ez dago EROSKIren emaitzen mende. Edozein direla ere merkatuko baldintzak, EROSKIren Ekarpenek beti eskaintzen dute errentagarritasunaren diferentzial positibo bat (gure kasuan Euriborrari lotuta dago).

Produktua betirauteko igorrita dago. Hau da, ez du epemuga zehatzik. Hala ere, EROSKIk aldez aurretik amortiza dezake igorpena, osorik edo partzialki, ordainketa egin denetik bost urte pasa badira behinik behin, eta balio nominalaren % 100 itzuliko die Eroskiren Mendeko Finantza Ekarpenen titular guztiei. (Hala ere, gaur egun, ez dago inolako asmorik amortizazio aurreratu posible honen inguruan).

Ondoren, Eroski S. Coop.-en Mendeko Finantza Ekarpenen gaur egungo titularrentzako informazio-liburuxkak daude. Horietan, Eroski Coop.-en Mendeko Obligazio jaulki berriak behar bezala ulertzeko behar den informazio guztia lor daiteke:

Zer dira EROSKIren Mendeko Obligazioak?

EROSKIk 2016ko urtarrilean eskaini zuen EROSKIren Mendeko Finantza Ekarpenak, Truke Unibertsal boluntario baten bidez, epemuga zuten igorpen berriko Mendeko Obligazio bihurtzeko aukera.

Balore Merkatuaren Batzorde Nazionalak (CNMV) egiaztatu zituen EROSKIren Mendeko Finantza Ekarpenak trukatzeko eskaintzaren nahitaezko informazio-liburuxka eta aldibereko 2016ko eskaintza publikoa, 12 urteko hasierako epemuga zuten igorpen berriko Mendeko Obligazioak harpidetzekoa.

Gainbegiratze organoak eragiketa baimendu zuen eta horri esker gauzatu zen Kontsumobidek 2014ko urtarrilean zuzendu zuen bitartekaritza prozesuan zehar hartutako trukearen konpromisoa. Prozesu horretan parte hartu zuten EROSKIren Mendeko Finantza Ekarpenak merkaturatu zituzten hainbat finantza erakundek eta EROSKIk, titulu horien igorlea zen heinean, modu horretan EROSKIren Mendeko Finantza Ekarpenak zituzten eta horien ordez epemuga zuten titulu berriak eskuratu nahi zituzten inbertitzaileei alternatiba bat eskaini ahal izateko.

Eskainitako trukea honakoa izan zen: EROSKIren Mendeko Finantza Ekarpenak trukatzea igorpen berriko Mendeko Obligazioengatik, EROSKIren Mendeko Finantza Ekarpenen balio nominalaren %55eko baliora arte,12 urteko hasierako epemugarekin eta Euriborra gehi 3 puntuko urteko interesak eskaintzen zituztenak; gehi trukatutako EROSKIren Mendeko Finantza Ekarpenen balio nominalaren %10 eskudirutan kobratzea eta, hala zegokionean, azken ekitaldiko urteko interesak kobratzea ere; eta EROSKIren Mendeko Finantza Ekarpenen balio nominalaren %30aren kitatzea onartzea, kontuan hartuta EROSKIren Mendeko Finantza Ekarpenek eskaintzen zuten ordaina epemugarik gabeko titulua izanagatik eskaintzen zela, baina hori jada ez zen EROSKIren Mendeko Obligazioen kasua.

Harpidetze epea 2016ko urtarrilaren 15etik urtarrilaren 27ra egon zen irekita eta, denbora horretan zehar, truke eskaintza onartzea eta igorpena harpidetzea erabaki zuten inbertitzaileek hala jakinarazi zioten finantza-erakunde parte-hartzaileari Iberclear-en, bertan baitzeuden gordailututa EROSKIren Mendeko Finantza Ekarpenak eta bertan izapidetu baitziren harpidetza eskaerak.

“Zor-titulu horrek ez zuen arazorik eman 10 urtez baino gehiagoz. Gero, krisi ekonomikoaren urterik gogorrenetan, inbertitzaile batzuk ez zeuden pozik bigarren mailako merkatuan likidezia eta kotizazio txikiagoak zeuzkatelako, eta finantza-erakundeek komertzializazioari buruzko epaiak eman zituzten; horrek egoera berria eragin zuen eta, EROSKIk titulu-igorpenean hutsik egin ez bazuen ere, egoera hori ez zetorren bat inbertitzaileei irtenbideak emateko gure nahiarekin. Horregatik parte hartu zuen EROSKIk, lankidetza jarrera ireki batekin, Kontsumobidek zuzendutako bitartekaritza prozesuan, EROSKIren Mendeko Finantza Ekarpenen finantza-erakunde merkaturatzaileen partaidetza ere izan zuena”, adierazi zuen EROSKIko finantza zuzendariak, José Ramón Anduagak, honakoa ondorioztatu aurretik: “definitutako truke aukera alderdi guztien arteko akordio posible onena da”.

Trukea burutu ondoren, eta egungo EROSKIren Mendeko Finantza Ekarpenekin gertatzen den moduan, EROSKIren Mendeko Obligazio berriek AFBE Errenta Finkoko Merkatuko SEND plataforman kotizatzen dute.

Jar zaitez gurekin harremanetan

Badago Eroskiren Mendeko Finantza Ekarpenen (MFE) truke-eskaintzaren informazio liburuxka bat eta Eroskiren Mendeko Obligazioetara harpidetzeko aldi bereko eskaintza publikoa, Balore Merkatuaren Espainiako Batzordean erregistratua (CNMV). Edozein inbertitzailek eskura dezake informazio liburuxka Eroski S. Coop.-en egoitza sozialean, Iberclearreko partaide diren finantza entitateetan eta CNMVn eskatuta.

EROSKIren Mendeko Finantza Ekarpenei (MFE) edo EROSKIren Menpeko Obligazioei buruzko informazio gehiago nahi izanez gero, gurekin harremanetan jar zaitezke:

Tel.: 946 211 214

Posta helbide arrunta: EROSKI S. Coop. San Agustin auzoa zk/g – Elorrio (Bizkaia).