Kronologia

Lehen denda Altsasun. Handik hilabete gutxira, Iruñeko Txantrean jarri zuten hurrengoa. Nafarroara etorri zenetik, Eroski handitu egin da, eta gaur egun, funtsezkoa da eskualdeko nekazaritzako elikagaien iraupenerako. Hala, 1.000 milioi eurotik gora erabili ditu azken bost urteetan Nafarroako hornitzaileei erosketak egiteko.

Eroskiren Kontsumo Aldizkariaren zuzendaritza profesionalizatu egin zen, beste aldizkari batzuen estiloan. Informazioaren alderdi soziala eramateko eta kontsumitzailearen defentsa egiteko sortu zen. Haren lehentasuna da kontsumitzaileari irizpideak erakustea, eta kontsumo osasungarriagoa eta iraunkorragoa zabaltzea; azken batean, kontsumo arduratsuago bat egiten laguntzea.

Salgaien plataforma logistikoa eta sozietatea- ren egoitzaren inaugurazioa izan zen Elorrion (Bizkaia). Hirugarren egoitza bere historia laburrean, baina oraingoa behin betikoa iza- teko bokazioarekin. Orduko ametsetan ez zu- ten asko usteko Eroskiren proiektuak halako dimentsioa hartuko zuenik ondoko urteetan.

Kooperatibaren historia motzean hirugarrena izan den biltegia hondoratu egin zen ezohiko elurte bat zela medio. Zorigaizto izugarria. Bazirudien proiektu hura bertan amaituko zela bere heldutasunera iritsi gabe. Ustekabean, Eroski berreskuratu egin zen, eta gertaera harekin “erresilientzia” hitzak zentzu osoa hartu zuen, zeina modan jarri baitzen urte batzuk geroago: pertsonen edo erakundeen egokitzeko gaitasuna da erresilientzia, hau da, egoera zailetatik atera eta gaitasun handiagoak hartuz erronkei eta arazoei aurre egiteko gaitasuna. Ordu arte zailtasun ekonomikoak izan bazituen ere, hura gertatu zenetik, Eroskik zoritxarrak gainditu eta bere ezagutzekin eta baliabideekin jarduera menderatzen hasi zen, istripu horrek zoritxarrik ekarri ez balu bezala eta, aitzitik, lehen urte haietako arazoen irtenbide izan balitz bezala.

Eroski aurrendaria da Espainian produktuak merkaturatzen banatzailea- ren markarekin; horretarako, Europako beste banatzaile batzuen ereduari jarraitu zion (batik bat Migros). Hala, “marka propioa” edo “marka zuria” sortu zen; izan ere, Eroskiren lehenengoetariko ontziak erabat zuriak ziren. Erabakirik muturrenekoetako bat izan zen, eta produktuak prezio lehiakorrean eskaintzeko apustu bat; izan ere, horixe izan da sorburuan Eroskiren gogoa, eta horri eutsi dio gaurdaino. Ekoizleek oso zalantzaga- rritzat jo zuten, eta batzuek boikota ere egin zioten, azpijokoak eginez, hala nola beren markaren hornitze selektibo bat eginez.

Bere konpromiso kontsumeristari erantzunez, Eroskik martxan jarri zituen Kontsumitzailearen Eskolak; jarduera hori hastapen batean EAEn eta Nafarroan abiatu zen, eta pixkanaka gainerako erkidegoetara zabaldu. Gizartearen aldeko konpromiso gisa sortu zen, kontsumo kooperatibari dagokion betebehar bezala, eta 2011n, berrasmatu egin genuen, “Elikadura Eskola” izenarekin.

Marka propioko lehen sei produktuak atera eta urtebetera, euskara jartzen hasi ziren haien ontzietan.

Eroski inaugura su primer supermercado franquiciado bajo la enseña EROSLE.

Ezohiko batzar nagusi batean kooperatibak nortasun eta botere krisi larri bat gainditurik, sozietatearen estatutu berriak onartu ziren, eta kooperatibaren gobernuan parekidetasuna ezarri kontsumitzaile bazkideen eta langile bazkideen artean. Hala, partaidetza sozialeko egitura berezi bat hartu zuen kooperatibak, eta horrek egonkortasun sendoa eta osotasuna eman dio gobernu korporatiboari gaurdaino. Orain arte ez da egon hein horretako garrantzia izan duen beste eraba- kirik enpresa honen egonkortasunerako. “J abeak eta Protagonistak” orduan harturiko balio bat dira: langile bazkideek kapitalean parte hartzen dute, eta emaitza ekonomikoek eragin egiten die- te, eta kontsumitzaile bazkideek boterearen erdia dute kontseiluan eta batzarrean.

Jardueren dibertsifikazioa egiten hasi ziren zenbait negozio lerro zabalduta, eta hala sortu zen Eroski Bidaiak agentzia Bilboren erdian.

Lehen hipermerkatua inauguratu zuten. Gora bidean zen formatu hori, eta bide horretatik jotzea erabaki zuen, horrelakoen kudeaketan eskarmenturik izan gabe ere eta orduko gizartearen parte baten kontrako iritziekin; izan ere, despertsonalizazioa zekarrela zioten, eta komunitatearentzat aritzearen zentzua galtzen zela. Erabakia hartzeko orduan, kooperatiboa ere baden irizpide bat erabili zuten, hau da, kontsumitzailearen aukera askatasunaren partez ez erabakitzea, eta haren esku jartzea denda formatu guztiak, kontsumitzaileek beren eskubidea erabil dezaten. Hala, Eroskik familia guztientzako moduko denda formatuak bilatzen hasi zen, eta bere jarduera hedatzen, elikaduraren eremukoak ez ziren produktuekin.

1984ko uztailaren 24an, BOEn argitaratu zen —Ernest Lluch zelarik orduko Osasun eta Kontsumoaren ministro— Kontsumitzaileak eta Erabiltzaileak Babesteko Lege Orokorra. Lege horretan, kontsumo kooperatibek Kontsumitzaile Elkarte izaera hartzen zuten, baldin etekinen parte bat gizarte ekintzara bideratzen bazuten kontsumitzaileak formatzeko eta informatzeko helburuarekin.

Plataformaren silo automatizatua inauguratu zen. Espainian bigarrena izan zen teknologia aurreratu hori erabiltzen.

Eroski es el primer distribuidor en retirar de la venta los aerosoles con CFC en España.

“E” logotipoa sortu genuen. Hura bihurtu da geroztik Eroski markaren elementu bisual nagusia.

Nafarroako Zainzuria Eroski markarekin merkaturatuta, hura izan zen lehen produktua Espainian banatzaile baten markarekin Jatorri Izen bat merkaturatzen zena.

Eroski eta Consum, Espainiako bi kontsumo kooperatibarik handienek aliantza bat hitzartu zuten beren helburu indibidua- lak indartzeko eta hedapena elkarrekin egiteko. 15 urte iraun zuen hitzarmen hark, eta bi kooperatibek abiatu aurretik baino indartsuago amaitu zuten.

FORUM SPORT marka berria jaio zen, denda sare berri bat kirol izaera sustat- zeko helburuarekin, eta orobat kirola gizartearen eskurago eta hurbilago jartzeko.

Eroskik lau hizkuntzak jaso zituen marka propioko ontzietan: euskara, gaztelania, katalana eta galiziera.

Eroskiren lehen gasolindegia Iruñeko hipermerkatuan ireki zen.

1996an hasi zen Eroski Elikagaien Bankuarekin lankidetzan, Bizkaiko Elikagaien Bankuak proposatuta eta kontsumitzaileek berek eskatuta behartsuen eta bazterkeria soziala jasateko arriskuan direnen kolektiboari elkartasuna erakusteko. Lehenengoz egin zuten janaria biltzeko “Kilo Operazioa” kanpaina Eroskiren dendetan. Lankidetza hartatik, Eroskik eta FESBALek elikagaiak dohaintzan emateko programa bat sortu zuten; horren arabera, elikagaiak iraungi aurretik kentzen dira apaletatik. 2009an, Eroski eta Elikagaien Bankuak elikagai freskoetara zabaldu zuten programa, janaririk alferrik ez galtzeko.

Travel Club programaren parte izaten hasi zen Eroski. Espainian fidelizazio programa liderra da Travel Club, eta hari lotuta dauden 30 enpresa eta 6 milioi kontsumitzaile ditu, bidaiez eta opariez gozatzen dutenak saltoki atxikietan egindako erosketetan irabazitako puntuen truke.

Eroski Natur sortu zen, marka bat janari freskoa punturik optimoenean eskaintzeko, janaria jatorritik arreta handiz aukeratuta. 2018an markaren kontzeptua berritu zuten, eta produktu freskoen kontsumo arduratsuagoa iradokitzen du geroztik.

Eroskik “Sebastian de la Fuente” denda sarea erosi zuen, guztira 70 supermerkatu lau erkidegotan banaturik, EAE, Kantabria, Burgos eta Errioxa.

Eroski Fundazioa sortu zen. Haren bitartez, kontsumitzailea formatzeko eta informatzeko dituen baliabideen zati handi bat erabiltzen du Eroskik gizartera begirako jardueretan.

Gespa sortu zen, sozietate bat Taldeko sozietate anonimoetako langileei sarrera emateko kapitalean eta beren enpresaren kudeaketan, kooperatibako bazkide balira bezala. Gespa Hipermerkatuen ondoren, Gespa supermerkatuak eta Gespa Forum eratu ziren. Krisi ekonomikoa dela eta, programak zailtasunak izan zituen gehiago zabaltzeko.

Cecosak aliantza bat egin zuen Udama eta Supera sozietateekin, supermerkatuen sare bat garatzeko. Aliantza horrek ezaugarri zuen kapitalaren parekidetasuna eta bi bazkideen arteko rolen banaketa orekatua. Denborarekin, Eroskik erosi zituen sozietate guztiak.

Eroskik tokiko elikagaien alde egiteko politika espezifikoa abiatu zuen, eta “Gure Lurraldeko Zaporeak” zigilu bereizgarria atera. Kooperatiba gaurdaino jardun da elikagaien nekazaritzako sektorearekin tokian tokiko produktu berezien eskaintza esanguratsua eginez produktu kategoria guztietan.

Eroskik CENCO denda sarea erosi zuen; familia enpresa bat, 36 supermerkatu zituena Gaztela eta Leonen eta Galizian.

Vegonsak eta Eroskik aliantza estrategiko bat egin zuten elkarren proiektuak indartzeko eta beren hedapenerako baldintzak finkatzeko, nola eta Vegalsa sozietatea elkarrekin erdibana eratuz eta Eroski Taldean integratuz. Aliantza horren ondorioz, erosketa zentral bakarra eratu zen, eta Taldearen zuzendaritza estrategikoa batu.

Aundia supermerkatuak erosi zituen, Iruñeko supermerkatuen kate txiki bat.

On line supermerkatua atera zuen, Internet bidez saltzeko kanal berria.

Eroskik eta ITM Intermarchek —nazioartera begirako xehekako talde frantsesak— Alidis sortu zuten, zertarako eta nazioarteko ekoizleen marken eta marka propioen erosketa bolumena bateratzeko eta negozioaz duten jakintza elkarrekin partekatzeko. Handik urte gutxira, 2005ean, Edeka batu zitzaien. Eta gero, 2015ean, Colruy, Conad eta Coop Suisse; hala, banaketaren alorreko aliantza nagusia bihurtu ziren Europan: AGECORE.

Eroski izan zen lehen banatzailea Espainian bidezko merkataritzako produktu sail bat modu iraunkorrean saltzen. Handik urte batzuetara, 2009an, lehen banatzailea bihurtu zen, produktu bat marka propioan atera zuena bidezko merkataritzaren zigiluarekin, futboleko baloi bat.

Eroski da lehenengoetariko erakundea Espainian Munduko Ituna bultzatzen; horren bitartez, erakundeek beren borondatez konpromiso bat sustatu zuten gizarte erantzukizunaren arloan, oinarri gisa harturik giza eskubideak, lan munduko eskubideak eta ingurumen alorrekoak.

Eroskik bere lehen ordainketa txartela atera zuen.

Eroskik beste pauso bat eman zuen berdintasunaren izenean, kultura kooperatiboaren berezko balioa baita.

Hartan dago Eroski Basic produktuen sorburua; horren bitartez, aurrezteko aukera ematen du elikagai produktuen sorta gehienetan.

Eroskik konpromisoa hartu zuen GEOrik ez erabiltzeko, erabaki eztabaidagarria izan zen garai hartan, gizartean eta mundu zientifikoan behar bezainbat adostasun ez dagoenean arriskuei aurrea hartzeko printzipioan oinarritua; hala, elikagai iraunkorren eta bioaniztasunaren aldeko apustu garbia egin zuen.

Eroski aurrendaria da Espainiako banaketaren arloan iraunkortasun memoria bat argitaratzen; horrek erakusten du elikagaien nekazaritzako sektore iraunkorrago, sozialago eta ingurumenzaleago baten aldeko konpromisoa eta jardunbideak dituela.

Eroskik boluntario korporatiboen programa atera zuen, kooperazioaren printzipioetan oinarrituta, Hirugarren Munduko herri pobreenganako elkartasunez. Ondoko urteetan, Eroskiko langile bazkide batzuk (eszedentzia hartuta) zuzenean jardun ziren garapen sozial eta ekonomikoaren aldeko proiektuetan, MUNDUKIDE fundazioarekin, Brasilen, erdialde-mendebaldeko eskualdean.

Edeka, Alemaniako lehen banatzailea, Alidis aliantzara batu zen.

Eroskik lehenengoz merkaturatu zuen produktu sail bat “glutenik gabe” seinalearekin.

Urtean 35.000 partaiderekin, aurrez aurre zein on line bidez talde-dinamika batzuk egiten dira, kontsumitzaile bazkideek Eroskiri iradokizunak, iritziak eta kontsultak egiteko bere jarduera komertzial eta kontsumeristaz.

Eroski konpromiso argia du ingurumenarekin, eta horren erakusgarri da aurrendaria izan zela lorategiko altzariak marka propioan FSC ingurumen-ziurtagiriarekin ateratzen; ziurtagiri horren funtzioa da seinalatzea produktuak egiteko erabili den zura baso ustiapen iraunkorretatik datorrela. Ondoko urteetan, papergintzan atera zituen sail gehiago FSC ziurtagiriarekin. Lan horren ondorioz, 2010ean, Nazioarteko FSC Saria eman zioten, ingurumenaren aldeko defentsa etengabean jarduteagatik eta garapen iraunkorraren bidean jarduteagatik bai produktuen eremuan eta bai kontsumo iraunkorrago baten sustapenean.

Eroskik martxan jarri zuen kontsumitze-data gomendatua hurbil zuten baina oraindik ziurtasun osoz jateko onak ziren elikagai ontziratuak emateko programa. Eroskiren programa horrek eta Elikagaien Bankuak jarraitzen dute hemezortzi urteren ondoren ‘Ez alferrik galdu’ konpromisoarekin, jateko on den elikagairik ez botatzeko.

Eroskik Caprabo erosi zuen, Bartzelonan sorturiko supermerkatu enpresa garrantzitsu bat, Espainiako supermerkaturik antzinakoena ireki zuena 1959an. Gaur egun, 300 supermerkatuko sarea du, Kataluniako hirigunerik handienetan kokatuak.

“Zurekin” eslogana txertatu zion bere markari, langile bazkideen partaidetza prozesu baten ondorio; 400 pro- posamen baino gehiago izan zituen, eta gehienek antzeko edukia zuten, eta horien irudikapena da “zurekin” eslogana, honako sei portaera hauetan oinarritzen dena: “Ezberdinak gara, kooperatiba gara”, “Hauxe da zure denda, entzuten zaitugu”, “Hemen aurreztu egiten duzu”, “Zure osasunak eta ongizateak kezkatzen gaitu”, “Nabari da hemengoak garela” eta “Esperientzia baikor bat eskaintzen dizugu”. Handik urte batzuetara, lanketa hartatik lehenengo “zurekin” denda eredua sortu zen Zarautzen, 2012an, eta orduan abiatu zen Eroskik inoiz izan duen proiekturik handinahiena, hau da, eredu hori denda guztietara zabaltzeko birmoldaketa plana.

Eroskik “nutrizio arloko semaforoa” ipini zien bere markako ontzien etiketei; semaforo horrek informazio bisuala ematen dio kontsumitzaileari, eta erraz ulertzeko modukoa da: osasunerako giltzarrizkoak diren mantenugaiak (gantzak, azukreak, gatza...) zein proportziotan dituen adierazten du. Neurri horrek polemika ere ekarri zuen, fabrikatzaileek arbuiatu egin baitzuten, eta beste banatzaile batzuek ere ez zuten halako neurririk hartu, baina kontsumitzaileak asko balioetsi zuen, gardentasun handiagoa eskatzen ari baitzen.

Eroski SeleQtia marka sortu zen, “gourmet” erako produktuen marka prezio onean. 2016tik Basque Culinary Centerren laguntza du kalitatea zehazteaz denaz bezainbatean.

Eroskik freskoen plataforma logistikoa inauguratu zuen Madrilen; freskoen hornikuntza katean aurrendaria izan zen automatizazio maila hori. Efizientzia logistikoan jauzi garrantzitsua ekarri zuen, Eroskiren dendak gehiago espezializatu ahal izan baitziren freskoetan.

Eroski aurrendaria izan zen gantz partzialki hidrogenatu gehigarriak kentzen bere markako produktu guztietatik. “Trans gantzak” esaten zaie holakoei, eta bihotz-biriketan eragin ezkorra dute.

Eroski aurrendaria izan zen gantz partzialki hidrogenatu gehigarriak kentzen bere markako produktu guztietatik. “Trans gantzak” esaten zaie holakoei, eta bihotz-biriketan eragin ezkorra dute.

Eroskik sakontasun handiko proiektu bat abiatu zuen barnera begira; helburua zen dendako taldeen autogestioa indartzea, premisatzat harturik denda kudeatzen duen taldearena dela dendaren beraren ardura; izaera kooperatiboa du horrek, izan ere, langileak enpresako bazkide dira, eta, beraz, dendaren jabe kolektiboak. Luzera begirako proiektua izan da hori, eta jarraipena eman zaio ondoko urteetan; horri esker, kudeaketa dezentralizatuago bat egin ahal izan dugu.

Eroskik soslai ofizialak egin zituen Facebooken, Twitterren eta YouTuben, kontsumitzaileari entzuteko kanal berri gisa, eta, orobat, informazio partekatu, zalantzak argitu eta iradokizunak hartzeko.

Elikadura Eskola eta Ohitura Osasungarriei buruzko Heziketa Programa aurkeztu zituen Eroskik, honako asmo honekin: ohitura osasungarrien gaineko prestakuntza ematea haurrei eta haien familia eta eskola inguruneari. Geroztik, handituz joan da programa, eta 2017-2018ko ikasturtean, Lehen Hezkuntzako 3.192 ikastetxetako 460.000 ikaslek baino gehiagok parte hartu zuten programaren VI. aldian.

Bezeroarenganako arreta pertsonalizatuagoa, tokiko produktuen aldeko apustu indartsua, produktu freskoen protagonismo handiagoa eta elikadura osasungarri baten sustapena dira Zurekin denda eredu berriaren oinarriak, eta Zarutzen inauguratu zen lehenengoz. Hazi hartatik sare komertzial osoa eraldatu zuen Eroskik ondoko urteetan.

Eroskik “isuririk gabeko” lehen supermerkatua inauguratu zuen Espainian; %60tik gorako energia aurrezteko gaitasuna zuen, eta Europan lehen saltokia izan zen energia-efizientziaren alorreko ISO 50001 ziurtagiria eskuratu zuena. Oñatiko (Gipuzkoa) lehen ekosupermerkatu hartan probatutako neurriak pixkanaka gainerako dendetara hedatu ziren, dendak “Zurekin” eredu komertzial berrira eraldatzeko birmoldaketak egin ahala.

Enpresa txiki eta ertainekin harturiko konpromisoen programa aurkeztu zuen Eroskik; helburua zen tokian tokiko ekoizle txikien produktuak kontsumitzaileen eskura jartzea, mikroenpresei, enpresa ertainei eta kooperatiba txikiei egokitutako kudeaketa komertzial bat garatzea eta profesionalizatzen eta enpresa gisa hazten laguntzea. Gaur egun, 2.600 hornitzaile lokal daude programa horretan sarturik.

Eroski izan zen Espainian txikizkako lehen banaketa katea, MSC Marine Stewardship Council erakundearen ikuskaritza gainditu zuena; horri esker, ziurtatu ahal du bere zaintza kateko arrain freskoa arrantzaleku iraunkorretatik datorrela.

Madrilen 2008an lehen plataforma automatizatua inauguratu eta gero Zaragozako freskoen plataforma logistikoa automatizatu zenean, efizientzia logistikoa asko hobetu zen. Horri esker, Zurekin eredu komertzial berriko dendak freskoetan espezializatu ahal dira ziklo logistiko laburragoak eginez eta elikagai freskoen sail zabalagoak osatuz.

Eroskik bere lehen aplikazioa aurkeztu zuen, Bezero Bazkideekin beste komunikazio kanal egonkor bat izateko.

2000ko lehen hamarkadan, Eroskik bultzada indartsua eman zion frankizia erako supermerkatuen sareari; hala, 2013rako, 500 saltoki frankiziatu zituen.

Eroskik bere azken berrikuntza aurkeztu zuen formatu komertzialez dena bezainbatean, eta “Rapid” izena ipini zien. Oso eredu komertzial lehiakorra da; 150 metro koadro inguruko dendak dira, eremu oso urbanoetan eta biztanleria dentsitate handia duten eremu turistikoetan kokatzen dira. Komenentziazko erosketa arina eta lasterra egin daiteke denda horietan.

Kontsumo kooperatiba gisa bere nortasuna gaurkotu zuen Eroskik, “Eroski club” aterata; Bezero Bazkide- entzat pentsatuta dagoen programa esklusiboa da. Haren bitartez, prezio hobeak, eskaintza esklusiboak eta deskontu pertsonalizatuak eskuratzen dituzte, saldo eran pilatuta etorkizuneko erosketetarako; horrez gain, Travel Cluben abantaila guztiak dituzte. Bestalde, klubeko Bezero Bazkidea izan beharra dago kooperatibako bazkideen parte hartze kanaletan sartzeko.

Eroski Bidaiak eta Barcelo agentziaren aliantza estrategikoari esker, bi taldeek beren tokia indartu dute merkatuan, elkarri lagunduz lehiakorragoak baitira eta bezeroei produktuen katalogo zabalagoa eskaini ahal baitiete prezio hobeetan.

Eroskik instalazio logistiko berria inauguratu zuen Elorrion (Bizkaia): plataforma automatizatu bat da, zeinak sektorera Europa mailan abangoardiakoa den teknologia bat baitakar; hala, trafikoaren %50 eta pisuaren %70 automatizatzea lortzen du elikagaien plataforma horretan ipar eremu honetarako. Garapen teknologikoa tokikoa da, Eroskik eta Ulma Handling Systemsek lankidetzan egina, eta LKS ingeniaritzak ere parte hartu zuen.

Bezero-bazkideek eskatuta, Eroskik erabaki zuen parabenoak eta triklosana kentzea higienerako eta zainketa pertsonalerako bere markarekin saltzen dituen produktuetatik.

Eroskik lehenengoz eskaini zion bezeroari Internetetik egindako erosketak autotik atera gabe jasotzeko zerbitzua. Leioako hipermerkatuan inauguratu zen lehen zerbitzugunea, eta Eroski bihurtu zen lehen banaketa katea EAEn martxan jarri zuena erosteko era berritzaile hori.

Colruyt, Conad eta Coop. Europako banatzaile berriak ALIDISera elkartu ziren, Banatzaileen Nazioarteko Aliantzara, zeina jatorrian Intermarchek, Eroskik eta Edekak eratu baitzuten. Hala, AGECORE sozietate berria bihurtu zen Europako banatzaileen aliantza nagusia, eta haren helburua da Europako kontsumitzaileei produktu sail zabalagoa eskaintzea eta haien aukera askatasuna handitzea prezio hobeak eskainiz; horrez gain, hornitzaileentzako negozio aukerak handitzen ditu.

Eroskik programa aurrendari bat aurkeztu zuen, teknologia berriak erabilita, zertarako eta kontsumitzaileei hileroko txosten pertsonal bat eskaintzeko. Txosten horrek elkarrekin alderatzen ditu kontsumitzailearen erosketak eta elikadura osaungarria eramateko gomendio zientifikoak.

Eroski cluben “Oro Txartela” atera zuenetik, abantaila gehiago eskaintzen dizkie Eroskik Bezero Bazkideei. Dirua aurrez dezakete, %4ko deskontu finko eta unibertsal bat baitute Eroskiren dendetan egindako erosketa guztietan hileroko kuota baten truke. Kuota bidezko bazkidearen formula berritu zuen horrek, zeinak milaka bazkide kontsumitzaile baitzituen kooperatiba sortu zenetik.

Eroskik berritu egin zituen osasunaren eta iraunkortasunaren alde harturiko konpromisoak, eta dekalogo batean laburtu zituen, xedetzat hartuz gizartean osasunaren eta ongizatearen kalitatea hobetzea. Eroskik bere historian lehendik hartuak zituen konpromisoak berritu zituen, nola eta prozesu parte hartzaile batean 5.000 lagun pasa inplikatuta, hala nola bazkideak, langileak, bezeroak eta iritzietan liderrak direnak; horrela eratu zen dekalogo gaurkotua.

10.000 Bezero Bazkide baino gehiagoren iritzia jaso ondoren, Eroskik “Nutri-Score” nutrizio etiketa aurreratua jarri zuen bere markako produktuetan, eta lehen banatzailea bihurtu zen Espainian etiketa hori ipintzen, zeina Europako Batasunak eta Osasunaren Mundu Erakundeak ontzat joa baitute. Ekimen horrekin, Eroskik bost mailatan sailkatuko ditu bere markako produktu guztiak, kolorezko letrekin adieraziak (“A” berde ilunetik “E” laranja ilunera); horren bitartez, elikagaiaren osasungarritasun maila baloratzen da dauzkan kalorien, mantenugaien eta osagaien arabera.