Kontsumitzaile berria eta erosteko era berria
Hiru hilabete bete ditu COVID-19 gaitzak sorrarazi duen osasun krisiak. Errealitate berrira egokitzeko, kontsumitzaileek aldatu egin dituzte beren ohiturak, bai erosteko moduaren aldetik eta bai saskian sartzen dutenaren aldetik. EROSKI erne dago horri, eta, gure EROSKI 3C bezero plataformaren bitartez, aurrea hartu ahal dugu astero jakinez xehetasunik handienarekin zer gertatzen ari den eta testuinguruak nolako aukerak ematen dituen.
Hiru hilabeteei begiratuta, ikusten da etxeko konfinamenduak eta ostalaritza ixteak salmenten ia %20 igo dutela 2019arekin alderatuta. Pandemia honek kontsumitzailearen portaera aldarazi du, erosketa handiagoak egin baititu, gastua %46 pasa igota; izan ere, dendara azaltzeko maiztasuna %16 apaldu du.
“On line bezeroen kanala %178 igo da, eta 3,4 aldiz gehiago erosi dute fisikoki baino”.
Hipermerkatuek eta supermerkatuek %20 inguruko igoerak izan dituzte, eta on line kanalak, berriz, ia %90 hamar goratu ditu salmentak eta %178 bezero kopurua aurreko urtearekin alderatuta. Demografiari begiratuta, 65 urtetik gorakoen taldea igo da batez ere, %6 zirenak %12 baitira orain kanal horretan. On line 3,4 aldiz gehiago erosi dute fisikoki baino. Bezero motari begiratuta, 65 urtetik gorakoetan ikusten da alderik handiena on line dendaren eta denda fisikoaren artean, laukoiztu ere egin baitute on line erosten dutena.
“Erne gaude kontsumitzailearen eboluzio horri, eta, bezeroa ezagutzeko dugun EROSKI 3C plataformaren bitartez, aurrea hartu ahal dugu astero jakinez xehetasunik handienarekin zer gertatzen ari den eta testuinguruak nolako aukerak ematen dituen”.
Honako kategoria hauetan igo dira batez ere salmentak COVIDaren hiru hilabete honetan: gozogintza, ilerako tinduak, irinak eta esku-xaboiak. Horien segidan datoz espeziak, intsektizidak, almibarrak, patata frijituak eta zizka-mizkak, graduazio handiko edariak, esne bereziak, arraina eta itsaski izoztuak, infusioak, izozkiak eta lixiba produktuak. Guztiak ere %210etik gora igo dira 2019arekin alderatuta.
