Category: Gaurkotasuna zure hurbil

Iraunkortasunean aurrera egin dugu banaketak egiteko lehen kamioi elektrikoarekin

Avanzamos en sostenibilidad con nuestro primer camión eléctrico de reparto

Aurrera jarraitzen dugu 2050. urterako karbono neutraltasuna lortzeko konpromisoarekin. Horretarako, berrikitan lehenbiziko kamioi %100 elektrikoarekin hasi gara banaketak egiten Nafarroako hiriburuan, eta mugarri horrekin, ikertu egin nahi dugu zer-nolako bideragarritasuna duten mugikortasun iraunkorreko aukera batzuek eta besteek.

Volvo FE Electric modeloa da kamioia, eta 2 motor elektrikorekin dabil; ondorioz, ez du CO₂ isuririk eragiten. Guztira 300 Cv-ko potentzia du, lau bateriak elikatzen dute eta 200 kilometroko autonomia ematen diote. Gure hornitzaile logistikoarekin landu dugu proiektu hau, Fuentes taldearekin.

“Horri esker, utzi egingo diogu 27,6 tona CO2 isurtzeari, hau da, Iruñerrian guztira isurtzen denaren %4,7 inguru murriztuko da”.

Banaketarako kamioi erabat elektriko eta isil honek nabarmen laguntzen du gure isuri logistikoak murrizteko konpromisoan aurrera egiten. Kalkuluen arabera, urtean 27,6 tona CO₂ isurtzeari utziko zaio, hau da, Iruñerrian guztira isurtzen denaren %4,7 inguru murriztuko da.

Lantzen ari garen lerroetako bat da energia ekoefizientea darabilten kamioiak eskuratzea eta proiektu hau zabaltzea, hasteko beste hiru euskal hiriburuetara.

Gure marka propioak nazioarteko zortzi sari eskuratu ditu bikaintasunean

Nuestra marca propia recibe ocho premios internacionales a la excelencia

Zortzi sari eskuratu ditugu nazioarteko Salute to Excellence Awards sarietan (PLMA Private Label Manufacturers Association erakundeak ematen ditu). Zehazki, gure marka propioko zazpi erreferentzia saritu dituzte, hiru edarien sailean eta lau elikagaietan.

Hauek izan dira EROSKI produktu irabazleak: greziar jogurta kafearekin, Animales Salvajes haurrentzako gailetak, EROSKI markako gourmet entsalada eta EROSKI SeleQtia SeleQtia saileko hegaluzea oliba oliotan. Elikagaien atalean lorturiko garaikur horiei beste hauek ere gehitu behar zaizkie edarietan: Tierra Bronte Syrah 2021 ardo beltza, Tierra Bronte Cabernet 2021 ardo beltza eta Vall d’Iluna Erreserba 2018 Brut Nature cava, zeinak bi sari lortu dituen edarien atalean, ‘Kalitate Onenekoa’ eta ‘Prezio-kalitate Onenekoa’.

“Gure markako lau elikagairen eta hiru edariren bikaintasuna nabarmendu dute 2022ko ekitaldian PLMAk eman dituen sarietan”.

Salute to Excellende Awards sariek bikaintasuna saritzen dute banatzaile-markako produktuen kalitatean eta berrikuntzan; horretarako, aurreko urtean sartuak izan behar dute Europa osoko supermerkatuetan, hipermerkatuetan, deskontu dendetan, drogerietan eta denda espezializatuetan. Aurtengo ekitaldian 20 herrialdetako 51 banatzaileren ia 450 berrikuntza aztertu dituzte. Adituz osaturiko epaimahai batek hautatzen ditu irabazleak, eta horien artean izaten dira sektoreko profesionalak, sukaldariak, sommelierrak, akademikoak, marka propioen arloko adituak, nutrizionistak eta kazetariak.

Banatzaile-markaren pisua handitzen ari da ekoizle-markaren aurrean

Crece el peso de la marca distribuidor frente a la de fabricante

Prezioak igotzen ari diren testuinguru batean, aldaketa bat ikusten da pertsona kontsumitzaileen jokabidean erosketak egiteko garaian. Uneotan arreta handiagoa jartzen diete prezioari eta sustapenei, eta, ondorioz, handitzen ari da banatzaile-markaren pisua ekoizleenaren aurrean.

Gure dendetan, zehazki, Capraboko bezeroek joera handiagoa dute ekoizleen markak erosteko, non salmenten %75 hartzen dituzten denda fisikoan eta %80tik gorakoak on-line salmentetan. EROSKIren saltokietan, kuota hori zertxobait txikiagoa da, eta hipermerkatuetan dute pisu gehien ekoizleen markek: salmenta guztien %68 hartzen dute.

“Profil demografikoa kontuan hartuta, haur txikiak dituzten bikoteak eta gazteak dira markazaleenak”.

Etxerik gehienetan, ekoizleen markak %60tik gorako pisua dauka. Profil demografikoa kontuan hartuta, haur txikiak dituzten bikoteak eta gazteak dira markazaleenak, erosketa guztien %70,4rekin. Beste muturrean, seme-alaba nagusiak dituzten bikoteak eta erretiratuak daude; horietan, %63,8ko eta %62,6ko pisua dute ekoizleen markek, hurrenez hurren.

Banatzaileen markek kuotarik handiena duten populazio taldeetan, horien pisua salmenta guztien %58tik gorakoa da. Ekoizle-markaren eta banatzaile-markaren arteko prezioan dagoen aldea gero eta handiagoa da. Joan den maiatzean, ekoizleen markak %11,6 garestiagoak izan ziren banatzaileenak baino; urte bereko urtarrilarekin alderatuta, 3,4 puntuko igoera izan dute.

Berritu egin dugu ekoizle familiekin dugun konpromisoa

Hemos renovado nuestro compromiso con las familias productoras

Orain dela gutxi jardunaldiak egin ditugu A Coruñan, Bartzelonan eta Donostian, eta elkarrekin partekatuko ditugu ideiak, planak, helburuak, gakoak, erronkak… lankidetzan aritzeko moduak bilatzeko asmoz, horrela aurrera egin dezagun eta proposamen komertzial erakargarria eskaini gero eta gehiago eskatzen duten kontsumitzaileentzat.

Jardunaldi horietan atera ditugun ondorioekin, berritu egin dugu ekoizle familiekin dugun konpromisoa, hurbileko produktuak duen balioaren bozgorailu izateko, hurbileko produktuak eskainiz eta areagotuz, sustatuz eta gure dendetan seinale bidez nabarmenduz.  Baita horietako asko EROSKI markaren barnean sartuz ere.

“Tokiko ekoizleei lagun egiteko programa bat jarri berri dugu abian ekoizpen iraunkorragoa lortzeko eta elikagaien kalitatea ziurtatzeko”.

Era berean, harreman sendo eta iraunkorra izaten jarraitu nahi dugu, balioak partekatuz bidezkoa eta gardena izango den harreman baten bitartez. Horrekin batean, konpromisoa dugu sektoreko garapen organoetan parte hartzeko eragile aktibo gisa. Gainera, elkarrekin lan egingo dugu ekoizle familiekin lanbideei eta bizimoduari bultzada emateko. Horretarako, hitzarmenak egiten saiatuko gara familiekin eta erakundeekin. Eta proiektuak ere sustatuko ditugu gure inguruaren iraunkortasuna bultzatzeko, eta ekintzak ere egingo ditugu pertsona kontsumitzaileei informazioa eta formazioa emateko hurbileko produktuen balioaren inguruan.

Testuinguru horretan, tokiko ekoizleen kolektiboari lagun egiteko programa bat jarri berri dugu abian ekoizpen iraunkorragoa lortzeko eta elikagaien kalitatea ziurtatzeko. Tresna berri bat da eta oraingoz Euskadin nekazaritzako elikagaien sektorean diharduten ekoizleen zerbitzura jarri dugu, ebaluazioa egin dezaten ingurumen arloko jardunbideetan, jardunbide sozialetan eta gobernu korporatiboari loturikoetan, ESG irizpideei jarraituz (Environmental, Social and Governance).

Proiektu horren bitartez, sei alderdi ebaluatzen ari gara nekazaritzako elikagaien 200  ekoizle ingurutan, eta ondoren alderdi horiek nola hobetu ditzaketen zedarrituko da. Helburu nagusiak hauek dira: EROSKIren ingurunean diharduten tokiko ekoizleen enpresak gehiago ezagutzea eta konpromisoa areagotzea; prestakuntza eta babesa ematea etengabe hobetzen joan daitezen, produktuen kalitatea handitzen eta ingurumen eta gizarte arloetan portaera hobetzen laguntzea eta gidatzea, eta hornidura katean gardentasun handiagoa lortzea.

Sendotu egin dugu gure jarduera solidarioa eta 17 milioi euro bideratu ditugu 2021ean helburu sozialak dituzten proiektuetara

Gure balio kooperatiboei jarraituz, EROSKIn jardun sozial askotarikoa lantzen dugu, gizarte bidezkoago eta solidarioago bat posible egiten laguntzeko. Horretarako, langileak inplikatzen ditugu eta, aldi berean, bezeroen parte hartzea sustatzen dugu kanpainak eta gizarte ekintzak arlo lokalean eta nazionalean proposatu eta garatzeko orduan.

2021ean nabarmen sendotu dugu gure jarduera solidarioa, eta 17 milioi euro bideratu ditugu helburu sozialak dituzten proiektuetara, nagusiki elkartasun kanpainetara eta gizarte ekintzara, beharrizan bereziak dituzten familiak eta kolektiboak laguntzera, kontsumitzaileak formatu eta informatzera eta kultura, aisialdi eta tokian tokiko ekintzetara. Kopuru horren %56 EROSKIk eman du, eta gainerako %44a bezeroek eta instituzioek.

“280 erakundek baino gehiagok aurkeztu dute beren proiektua gure Elkartasun Plana 2022 ekimenerako”.

Elkartasun Plana 2021 ekimenaren balantzea martxoan aurkeztu genuen “Elkartasunaz mintzo gara” jardunaldi digitalean, eta espezialisten eta belaunaldi berrien ikuspegia partekatu ahal izan genuen elkartasunaren orainari eta etorkizunari buruz. Jardunaldi horretan azaldu genuen gure Elkartasun Plana 2022 ekimenaren berri, zeina ia 12.500 pertsonaren partaidetzarekin eraiki den ekarpenen bidez  eta 289 erakundek aurkeztu dituzten 464 proiektutatik  abiatuta.

Etxeen %87k tokiko produktuak hautatzen ditu erosketetan

Jasangarritasuna ageri da kontsumitzaileen kezkarik handienetakoen artean. Azken urtean, gure bezeroen %43k garrantzi gehiago eman diete jasangarritasunarekin zerikusia duten alderdiei eta %41ek hurbileko produktu gehiago erosi dituzte.

Tokiko produktuen erreferentziek salmenta guztien %14 hartzen dituzte gure saltokietan. Azken urtean, hamar etxetatik bederatzik hurbileko produktuak erosi dituzte uneren batean gure dendetan egindako erosketetan. Gure supermerkatuak eta EROSKI on-line dira tokiko produktuen salmenta handienak dituzten kanalak hipermerkatuen eta frankizien aurretik.

“Tokiko produktuen salmena iparraldeko probintzietan biltzen da nagusiki.

Lurraldeka, tokiko produktuen salmentarik handienak Katalunian, Galizian eta Nafarroan izaten dira. Aitzitik, produktu horien salmenta apalenak Gaztela eta Leongo eta Madrilgo erkidegoetan izaten dira.

Oro har, arrautzen eta esnearen sailetan dago eskaintzarik handiena tokiko produktuetan. Baina erkidego bakoitzak badu bere espezialitatea. Horrela, Euskadin aipagarria da tokiko arrainaren eskaintza, Balearretan haragiena, Galiziak beste inork baino arrain kontserba gehiago dauka, Kataluniak ardo apartsuak eta Nafarroak kontserba begetalak.

Herritarren profila kontuan hartuta, seme-alabarik gabeko familiek eta bezero gazteek hautatzen dituzte gehien tokiko produktuak erosketa saskirako.

Tokiko produktuek izaten dute salmenta gehien sustapen garaian gure dendetan, bai masiboak direnean eta bai segmentatuak.

Azken 14 urteetako emaitzarik onenekin itxi dugu 2021eko ekitaldia

2021eko ekitaldiko kontuak itxi ditugu, 2022ko urtarrilaren 31n, eta 104,61 milioi euroko etekinak izan ditugu zergak ordaindu ondoren. 2007tik izan dugun emaitzarik onena da.

Taldearen salmenta gordinak 5.116 milioi eurotik gorakoak izan dira, eta bereziki nabarmentzekoa da elikagaien negozioak izan duen bilakaera ona, %1 hobetu da-eta pandemia aurreko mailetatik. Salmenten portaera on hori bera izan da on-line kanalean ere; izan ere, COVID-19ak eragindako kontsumo ohiturengatik 2020an izan zen igoeraren parte handi bati eustea lortu du.

“2021ean zabalkundean eta inbertsioetan erritmo aktiboagoa izan dugu eta 77 establezimendu inauguratu ditugu”.

Eraginkortasuna eta produktibitatea hobetzea ardatz duten proiektu askotarikoen ezarpenak bultzatuta, taldearen etekin operatibo korronteak 185,5 milioi euroko emaitza izan du, nahiz eta azken hilabeteetan energia kostua bizkor eta asko igo izanak eragina izan duen bai etxeen eta bai negozioen fakturetan.

Era berean, 2021ean zabalkundean eta inbertsioetan erritmo aktiboagoa izan dugu  eta 77 establezimendu inauguratu ditugu (propioak eta frankizia erakoak), eta gure sare komertzialeko 141 denda berritu ditugu.

2021eko ekitaldia argi eta garbi izan da positiboa EROSKI taldearentzat, jarduna aldekoa izan da eta ohiko emaitzak eutsi egin dio azken urteetako bilakaera onari. Horrek berretsi egiten du hobetu egin dugula lehiakortasuna.

Caprabok partekatu egin ditu garai estrategiko berriaren gakoak ia 350 hornitzailerekin egin duen jardunaldian

Atzean utzi ditugu pandemiak ekarri zizkigun murrizketak eta berriz ere zuzeneko harremanean gaude zuekin, hurrengo ekitaldietarako ditugun lerro estrategikoak partekatzeko, hurbiltasunaren aldeko apustu handia egin nahian.  Hasiera eman diogu jardunaldi sorta bat, eta lehenengoa Katalunian egin genuen, joan den astean.

Ia 350 hornitzaile elkartu ziren joan den asteko asteartean CAPRABOk antolatu zuen jardunaldian garai estrategiko berriaren gakoak haiekin partekatzeko. Plan horren barnean sartzen dira eraldaketa logistikoa egitea, supermerkatuak berritu eta belaunaldi berriko denda bihurtzea, on-line salmenta garatzea Capraboacasarekin eta Katalunian gehiago hedatzea denda berriak irekiz. Azken urteetako planik handienetakoa da, eta hobetu egingo ditu dendako zerbitzua, eragiketen efizientzia eta bezeroen erosketa esperientzia. Aldi horretan indartu egingo dira inbertsioak, 100 milioi eurotik gorakoak izango direnak hurrengo 5 urteetarako.

“Bidea egiten jarraitu nahi dugu zuekin, proiektu honen zati zaretelako, eta gure eskuetan dago etorkizuneko erronkei erantzunik onena ematea”.

Gaur Galizian elkartu gara eta hilabete honen bukaeran Euskadin. Zuekin partekatu nahi ditugu ideiak, planak, helburuak, gakoak, erronkak… lankidetzan aritzeko moduak bilatzeko asmoz, horrela aurrera egin dezagun elikadura osasungarriago eta jasangarriago baterantz eta proposamen komertzial erakargarria eskaini dezagun gero eta gehiago eskatzen duten kontsumitzaileentzat. Bidea egiten jarraitu nahi dugu zuekin, proiektu honen zati zaretelako, eta gure eskuetan dago etorkizuneko erronkei erantzunik onena ematea.

2021ean, 65 frankizia inauguratu ditugu

2021ean, jarraitu dugu gure frankizia sarea hedatzen. Zortzi milioi euroko inbertsio globala eginik, 65 frankizia inauguratu eta 306 lanpostu sorrarazi ditugu. Garapen horren bitartez eta denda propioen sarea eraldatzeko ekimenaren bitartez, bultzada indartsua hartu du belaunaldi berriko gure dendak ezaugarritzen dituen Zurekin eredu komertzialak.

Autonomia erkidego hauetan egin ditu kooperatibak inaugurazio gehienak: Katalunia (18) CAPRABO izenarekin, EAE (13), Andaluzia (7), Galizia (6), Balearrak (5) eta Gaztela eta Leon, Gaztela-Mantxa eta Madril hiruna irekierarekin. Haien atzetik doaz Valentziako Erkidegoa eta Nafarroa binarekin eta, azkenik, Errioxa frankizia erako denda irekiera bakarrarekin.

“Rapid denda formatu ultrahurbilak bikoiztu egin du irekiera erritmoa 2021ean”.

Hala, aurreko urteetako frankizien irekiera erritmoari eutsi diogu. Gauzak horrela, 250 inaugurazio baino gehiago izan dira joan deneko bost urtean. Joan den urte amaieran, frankizia erako 577 supermerkatu genituen, eta sarearen salmentak bikainak izan ziren, %14ko hazkundearekin 2019aren aurreko salmentekin alderatuta.

Martxan jarri zenetik bost urte igaro diren honetan, Rapid formatuak bikoiztu egin du 2021ean izen hori duten denden irekiera erritmoa. Gaur egun Rapid izenarekin zerbitzu ematen duten 46 supermerkatuetatik, hogei iaz inauguratuak izan dira; hortaz, bultzada argia hartu du formatu ultrahurbilak. Oso lehiakorra da; 150 metro inguruko denda txikiak dira, eta erosketa erraza bezain lasterra eskaintzen dute. Irekiera ordutegi zabala dute urteko egun guztietan, eta kontsumitzaileek 4.500 erreferentzia ere aurki ditzakete haietan.

Joan den urtean AVIA petrolio operadorearekin dugun hitzarmena sendotu dugu, eta haren gasolindegietan Rapid formatua zabaltzen jarraituko dugu. Gaur egun, hogei supermerkatu baino gehiago ditugu zerbitzuguneetan, eta sarea gehiago hedatzeko asmoa dugu datozen urteetan.

2021ean ireki ditugun denden erdiak dagoeneko gurekin diharduten frankizia hartzaileek bultzatu dituzte; horrek erakusten du EROSKIren frankizia eredua sendoa dela eta konfiantza sorrarazten diela ekintzaileei.

Marka propioak eta fabrikatzaileenek erosketa saskia elkarbanatzen dute

Fabrikatzaileen markek presentzia handiagoa dute gure dendetako kontsumitzaileen erosketa saskian, eta gure marka propioaren salmentak bikoizten dituzte. Dena den, ez dute berdin jokatzen zein negozio mota den. Hala, Capraboren salmentetan fabrikatzaileen markak gehiago ateratzen dira, bai haren Capraboacasa online kanalean (%84,8) eta bai supermerkatuetan (%75,5); marka propioak, berriz, kuota handixeagoa du EROSKIren dendetan, bi kanaletan antzeko portaera duelarik, salmenta guztien %36 inguru.

“Promoziorako inbertsio masiboa eta segmentatua ez dute berdin banatzen fabrikatzaileen markek eta marka propioak”.

Biztanle segmentuei erreparatuta, gazteak eta seme-alabarik ez duten bikoteak markazaleagoak dira; erretiratuek eta seme-alaba helduak dituzten bikoteek, berriz, gehiago erosten dute EROSKIren marka propioa.

Marka propioak gehien saltzen dituen kategorietan, honako hauek daude: ohiko fruitu lehorrak (%77,8), kosmetika natural eta ekologikoa (%73,4), sukaldeko papera (%72,8) eta komuneko papera (%67,5).

Atal bakoitzeko prezioen aldeari dagokionez, lurrindegian dago alderik handiena, EROSKIren marka propioa fabrikatzailearena baino %51,7 merkeagoa da. Haren atzetik datoz drogeriaren eta edarien atalak, %44,65eko eta %44,4ko aldearekin, hurrenez hurren.

Promoziorako inbertsio masiboa eta segmentatua ez dute berdin banatzen fabrikatzaileen markek eta marka propioak. EROSKIren marka propioan, nagusi da promozio segmentatua, fabrikatzaileen marketan baino 9 puntu gorago.