Category: Gaurkotasuna zure hurbil

Abiatu dugu jasangarritasunaren arloko bigarren prestakuntza eta gaikuntza programa hornitzaileentzat

Orain ia bi urte jarri genuen martxan Tokiko Hornitzaileei Lagun Egiteko Programa, ekoizpen jasangarriagoa lortzeko eta gure balio katea etengabe hobetzen laguntzeko. 2022ko amaieran, diagnostikorako lehen fasea amaitu genuen, eta aztertu dugu nola dauden nekazaritzako elikagaien sektorerako jasangarritasunaren aldetik esanguratsutzat jotzen diren alderdiak. Programan parte hartu zuten ekoizleek txosten pertsonalizatu bat jaso zuten, non agertzen baita sektorean duten posizioa, ingurumen eta gizarte arloan nola dauden, beren bereizgarria zein den, non hobe dezaketen eta GJH Garapen Jasangarrirako Helburuen gaineko diagnostiko bat.

Gainera, programaren prestakuntza eta gaikuntza fasearen zati bezala, 1.850 prestakuntza ordu baino gehiago eman dira jasangarritasunaren gainean, erakunde hauen laguntzarekin: Mundu Itun, Hazi, Basque Food Cluster eta Ihobe.

Ekoizleei bere organizazioko ingurumen, gizarte eta gobernantza gorabeherak nola hobetu laguntzen jarraitzeko, orain, bigarrenez abiatu dugu Gaikuntza Programa: Hornitzaile Jasangarriak. Gure hornidura katean 10-250 langile dituzten enpresa txiki eta ertain guztiei ematen diegu aukera doako programa batean parte hartzeko; NBEren Mundu Itunak ematen du ICO fundazioaren eta ICEX España Exportacion e Inversiones erakundearen kolaborazioarekin.

“Gure hornidura kateko 40 enpresa txiki eta ertainek parte hartu zuten lehenengo prestakuntza programa honetan”.

Programaren iraupena 6 hilabetekoa izango da, gutxi gorabehera, 2024ko martxotik irailera. Prestakuntza osatzeko, kalkulatzen dute enpresa txiki eta ertainek gutxi gorabehera ordu eta erdi eman beharko dutela edukiak berrikusteko. Zure enpresarako programa interesgarria dela baderitzozu, eman izena 2024ko martxoaren 15era arte webgune honetan aurkituko duzu erregistro inprimakia betez.

Informazio gehiago jasotzeko, deskarga dezakezu Dosierra. Hor aurkitu dugu programari buruzko informazio guztia. Edozein zalantza duzula jar zaitezke kontaktuen Mundu Itunarekin helbide honen bitartez: proveedoressostenibles@pactomundial.org.

Eguberrietako kanpainak sendotu egin du gorako joera

Eguberrietako kanpainak jarraipena eman dio aurreko hiletan erregistratutako joerari, salmenta bolumena handitu egin baita eta prezioen igoera moteldu. Eguberrietan kontsumitzaileek maiztasun handiagoarekin erosi dute, eta erosketa bolumena %4,6 handiagoa izan zen.

Biztanleria taldeari erreparatuz gero, erretiratuek handitu dute gehienbat Eguberrietako gastua; zehazki, %13,6, eta horien ondotik datoz bakarrik bizi direnak, %11, eta ume helduak dituzten familiak, %10,8.

“Eguberrietako kanpainak jarraipena eman dio aurreko hiletan erregistratutako joerari, salmenta bolumena handitu egin baita eta prezioen igoera moteldu”.

Hipermerkatuaren kanala handitu zen gehienbat Eguberrietan, eta errukiarekin eta festarekin lotutako kategoriak, hala nola Eguberrietako produktuak, iberiar urdaiazpikoak eta bitrinako freskoak, dira gehien handitu zaienak salmenta bolumena.

Aurrezpenarekin dugun konpromisoa sendotu dugu freskoetan prezioak apalduta

Jarraitzen dugu gure prezioen lehiakortasunean aurrera eginez. Alde horretatik, inbertsio indartsua egiten jarraitzen dugu inflazioak familien poltsikoetan izan duen eraginari eusteko. Horrekin, saihestu nahi dugu kontsumitzaileei kostu guztien igoera gaineratzea, eta, horretarako, gure marjinak murriztu ditugu. Hala, datorren astetik aurrera, prezioak apaltzeko beste kanpaina bat abiatuko dugu. Inflazioa dela medio gutxiago saltzen diren produktuak dira baina ezinbestekoak direnak elikadura osasungarria eramango badugu.

“Arrandegian, frutategian, harategian deskontuak eskainiko dizkiegu kontsumitzaileei otsailaren 10etik aurrera”

Arrandegian, frutategian eta harategian deskontuak eskainiko dizkiegu kontsumitzaileei otsailaren 10etik aurrera, erosketa saskia lehen bezala izan dadin, osoa, osasungarria eta denetarikoa, produktu fresko eta guzti. Kanpaina hau beste baten jarraipena da, 2023a ixteko orduan gure apalategietako 800 erreferentziatan tarifak jaitsi baikenituen aurrezten laguntzeko.

Beste urtebetez, gure hornidura katea onenen artean dago kontsumo handiaren banaketan

AECOC erakundeak balio kateko eragile guztiak biltzen ditu, eta  2023ko Benchmarking Supply Chain-Kontsumo Handia azterketaren emaitzak argitaratu ditu berriki. Urtero egiten dute azterketa hori, eta bai ekoizleek eta bai banatzaileek hornidura kateko jardueren eraginkortasun maila ebaluatzen dugu. Aurten, kontsumo handiko 21 banatzailek eta 37 fabrikatzailek hartu dugu parte.

Fabrikatzaileek adierazi dute banatzailerik onenetan laugarrena dela EROSKI, eta ehunen bat bakarrik falta izan zaigu hirugarren postua lortzeko. Gaur egungo egoera ez da erraza, ziurgabetasuna baita nagusi (tirabirak garraioan, gerrak, lehengai falta…), eta horrek izugarri tenkatu du gure lana. Hala ere, gure hornidura kateak erantzuteko gaitasuna eta malgutasuna erakutsi du, eta emaitza hori aitortza garbia da.

Nabarmentzekoa da hirugarrenez fabrikatzaileek EROSKI izendatu dutela elkarlanaren arloko banatzailerik onena. Oraindik ere apustu sendoa egiten dugu ardatz estrategiko horren alde; izan ere, egoera gorabeheratsuetan garrantzi berezia hartzen du horrek, orduantxe baita erabilgarriena.

“Gure hornidura katea zabala da, eta lortu ditugun emaitzek indartu egin gaituzte ikuspegi horretan. Hainbat eragilerekin elkarlanean aritzea gero eta beharrezkoagoa da sinergiak lortu eta kontsumitzaileei egiten diegun eskaintza hobetzeko”.

Hiru onenen artean gaude Informazio Trukerako Sistemak, Plangintza, Erreakzioa eta Dokumentazioa blokeetan. Oraindik ere uste dugu automatizazioa eta digitalizazioa funtsezkoak direla hornidura kate sendoa eta erresilientea sortzeko.

Halaber, azpimarratzekoa da nabarmen hobetu dugula Eskaeren eta Entregen arloetan geneukan posizioa, aurreko urteetan hobetzeko tarte handiagoa adierazten baitzuten. Emaitza honek agerian jarri du abiatutako ekintza planak eraginkorrak izan direla, eta aurrerantzean ere halako planak erabiliko ditugu.

Azterketa horrek oso informazio ona eta baliagarria ematen digu; izan ere, bide ematen digu fabrikatzaileen ikuspuntutik zer indargune eta zer ahulgune ditugun ulertzeko. Gure hornidura katea zabala da, eta lortu ditugun emaitzek indartu egin gaituzte ikuspegi horretan. Hainbat eragilerekin elkarlanean aritzea gero eta beharrezkoagoa da sinergiak lortu eta kontsumitzaileei egiten diegun eskaintza hobetzeko. Aurrerantzean ere orain arteko erronka bera izango dugu aurrean: hornidura kate jasangarria lortzea, bide emango diguna ahalik eta denbora gutxienean eta ahalik eta kostu txikienarekin merkatura egokitzeko.

Produktu gehiagori jarri diegu Planet Score ingurumen zigilua, arduraz erostea errazagoa izan dadin

Duela urtebete hasi ginen ingurumen etiketa berria ezartzen gure markako hainbat produktutan, eta Espainiako lehen banaketa enpresa izan ginen hori egiten. Hil honetatik aurrera, EROSKI dendetan elikagaien arloko eta produktu freskoen saileko 29 produktuk izango dute Planet Score zigilua. Hala, aurrerapausoak egiten ari gara kontsumo arduratsua sustatzeko eta kontsumitzaileari ematen diogun informazioa gardena izan dadin hartu ditugun konpromisoetan; izan ere, kontsumitzaileek erosketa jasangarriagoa egitea errazagoa izan dadin dugu helburu.

“2022aren amaieratik, marka propioko produktuetan ingurumen etiketa berria jarri duen Espainiako lehen banaketa enpresa gara”.

Etiketa horren bidez, elikagaiak osotara ingurumenean zer-nolako eragina duen adierazi nahi zaie kontsumitzaileei, modu errazean, informazio erabilgarria eman ahal izateko erosketak egiteko orduan erabaki kontzienteak hartu ditzaten. Horretarako, produktuaren bizi zikloa aztertzen da hainbat adierazle oinarri hartuta. Puntuazio global batekin aurkezten da emaitza (A-tik E-rainoko eskala batean, hainbat kolorez adierazita), eta hiru adierazle zerrendatzen dira: pestiziden erabilera, bionaiztasunean duen eragina eta kliman duen eragina. Gainera, animalia-jatorriko osagaiak dituzten produktuetan, animalia horiek hezteko metodoei buruzko balorazio bat ere badu, animalien ongizatea oinarri hartuta ezarria. Hala, kontsumitzaileek erraz alderatu ditzakete kategoria bereko produktuak, eta beraz, beharrezko informazioa jakinda egin dezakete erosketa.

Ingurumen etiketa produktu gehiagori ezartzearekin bat, ontzi batzuetan ere etiketa hori jartzen hasi gara. EROSKIk ingurumen etiketari buruzko inkesta bat egin zien ehunka kontsumitzaileri, eta inkesta horretan lortutako ekarpenei eman dien erantzuna da aurrerapen hori.

Caprabok %2 aurrezteko plana abiatu du bere fidelizazio programari lotuta

Cabprabok egitasmo berri bat jarri du martxan kontsumitzaileen aurrezteko gaitasuna handitu eta erosketak egiteko orduan erakutsi duten leialtasuna aitortzeko. Hala, joan den urritik, gastatutakoaren %2 itzultzen diete hilean 150 euro baino gehiago gastatzen duten guztiei, bai supermerkatuetan eta bai Caprabocasan.

Egitasmo horri esker, urtebetean 5,9 milioi euro banatuko dituzte guztira aurrezki gisa kontsumitzaileen artean. Gainera, aurten, konpainiak 34 milioi euro baino gehiago erabiliko ditu bezeroei aurrezki moduan banatzeko, eta hainbat egitasmo baliatuko ditu horretarako Capraboren Fidelizazio Programaren barruan.

“Egitasmo honi esker, urtebetean 5,9 milioi euro baino gehiago banatuko dizkiegu kontsumitzaileei aurrezki moduan”.

%2 Aurrezteko Plana bateragarria da Capraboren Fidelizazio Programaren barruan dauden aurrezteko abantailekin. Plan horri esker, bezeroak hilabete osoan gastatutako kopuruaren %2 jasoko du hilero diru-sarrera moduan bere Crapabo Club txartelean. Hala, dirua pilatu ahal izango du hurrengo erosketetan gastatzeko. Bezeroak berariaz eman behar du izena plan berrian, supermerkatuko ordainlekuan galdetuta, aplikazioaren bidez eta baita webgunearen bidez ere.

Bost sari eskuratu ditugu Urteko Merkataritzaren Sariketan

Bost sari eskuratu ditugu 2023-2024ko Urteko Merkataritzaren Sariketan. Zehazki, kategoria hauetan eman digute saria:online merkataritzan, produktu freskoetan, hipermerkatuetan, hurbileko supermerkatuetan eta frankizietan. Kontsumitzaileen sariketa hori Espainiako handiena da, eta retailaren sektoreko merkatu azterketarik handienetako bat. Kontsumitzaileek hautatzen dituzte sarituak.

Sari horiek aitortza egin diete Zurekin eredu komertzialaren ardatz nagusiei. Tokiko eta sasoiko produktu freskoen aldeko apustua, elikadura osasungarri eta jasangarriaren sustapena, arreta pertsonalizatua, eguneroko erosketetan aurrezteko modu berriak eta gure jarduerak ingurumenean duen inpaktua gutxitzeko berrikuntza teknologikoak dira eredu horren ezaugarriak.

“Kontsumitzaileen sariketa hori Espainiako handiena da, eta retailaren sektoreko merkatu azterketarik handienetako bat. Kontsumitzaileek hautatzen dituzte sarituak”.

Zazpigarrenez jarraian, ‘Urteko WebShop’ saria eskuratu dugu online supermerkatuen kategorian. Gainera, aurreko sariketetan gertatu ez den zerbait gertatu da aurten: kontsumitzaileek Produktu Freskoen eta Hipermerkatuen kategorietan ere eman digute saria, eta, beste urteetan bezala, baita Hurbileko Supermerkatuen eta Frankizien kategorietan ere.

Gure denda jasangarriak LEED GOLD zigilua eskuratu du

Gasteizen dugun Lakua-Arriagako supermerkatuak LEED GOLD zigilua eskuratu du. Zigilu horrek denda jasangarria dela ziurtatzen du, eta ekoefizientzia estandarrak betez eraiki dela. EROSKIren sare komertzial osoko supermerkaturik jasangarriena da, eta energia arloan eredu da gure dendetarako.

Zigilu horrek supermerkatua eraikitzeko erabilitako jasangarritasun irizpideak aztertzen ditu: zer irizpide erabili diren materialak eta baliabideak aukeratzeko, uraren eta energiaren erabilera eraginkorra izan dadin eta denda barneko giroa kalitatezkoa izan dadin. Aitortza hau pauso bat gehiago da ingurumen jasangarritasunerantz egiten ari garen bidean, eta mugarri garrantzitsua karbono neutraltasuna lortzeko ezarri dugun bideorrian.

“Lakua-Arriagako supermerkatuak lortu du denda estandar batek baino %50 energia gutxiago kontsumitzea, eta darabilen energia guztia berriztagarria da %100.

Proiektuaren berritasunik handienetako bat energia eraginkortasuna da, hozgarri naturalak erabiltzen baitira. Gainera, hozteko altzariek I+G arloko azken aurrerapenak dituzte, energia eginahala gutxitzeko eta dendetako erosotasuna hobetzeko. LED argiztapen adimenduna du, autorregulatzeko mekanismo eta guzti, eta hori aurrerapauso garrantzitsua da ingurumen aztarna gutxitzeko bidean. Beste bereizgarri bat ere badu: energia kontsumorako sistemen domotika kudeaketa. Hotza 24 orduz monitorizatzeko eta kontrolatzeko zerbitzu bat dauka zentroak, eta urteko 365 egunetan funtzionatzen du.

Lakua-Arriagako supermerkatuak denda estandar batek baino %50 energia gutxiago kontsumitzea lortu du, eta erabiltzen duen energia guztia, %100, berriztagarria da. Gainera, eraikin berrietan, sortutako hondakinen %80k baino gehiagok balioa hartuko dute.

Ingurulabel egitasmora batu gara enpresa txiki eta ertainetan ingurumen etiketa sartzea bultzatzeko

Ingurulabel proiektura batu gara: Basque Food Cluster erakundeak jarri du martxan, eta Ihobek finantzatzen du. Euskal Herriko enpresa txiki eta ertainetan ingurumen etiketa sartu dezaten bultzatzea du helburu.

Egitasmo honen bidez produktuen ingurumen aztarna kalkulatuko da, eta emaitzak etiketa batean jarriko dira, kontsumitzaileek erraz ulertzeko moduan. Helburua ingurumen aztarna gutxitzea da, araudian izango diren aldaketei aurrea hartzea, eta kontsumitzaileen eskariei erantzutea.

“2022aren amaieratik, marka propioko produktuetan ingurumen etiketa berria jarri duen Espainiako lehen banatzaile enpresa gara”.

Proiektuan parte hartzen duenez gero, EROSKIk bultzatu egingo du bere tokiko hornitzaileek ere parte hartu dezaten egitasmoan. Proposamen honen helburua da enpresak prest egotea araudi berria indarrean sartzen denerako. Aurreikuspenen arabera, 2025ean sartuko da indarrean, eta merkaturatzen diren produktuek ingurumenean duten eraginari buruzko informazioa izan dezaten arautuko du.

2022aren bukaeratik,  gure marka propioko produktu batzuetan ingurumen etiketa berria jarri dugu, eta Espainiako banatzaile enpresen artean lehenak izan gara hori egiten.  Etiketa horren bidez, elikagaiak ingurumenean zer-nolako eragina duen adierazi nahi zaie kontsumitzaileei, modu errazean, erabilgarria izan dadin erosketak modu arduratsuagoan egiteko.

Rapid izeneko 50 frankizia saltoki baino gehiago ditugu

Rapid izeneko 52 frankizia saltoki ditugu orain. Formatu ultra hurbil eta komenentziazko bat da, eta 150 metro koadro izaten ditu. Edozein lekutara egokitzen da –hiriak, gasolindegiak, unibertsitateak, gune turistikoak eta hondartzak–, eta erosketa erosoa, azkarra eta osoa egin daiteke halako dendetan.

Rapid dendek irekiera ordutegi zabala dute, eta kontsumitzaileek 4.500 erreferentzia ere aurkituko dituzte: pisura eros daitezkeen jaki freskoen, fruten eta barazkien eskaintza zabala, haragi ontziratua, eta labe propioan erretako ogiak eta opilak, egin berriak. Gainera, atal bat izaten dute osasun arloko produktuentzat eta produktu ekologikoentzat, eta elikagaietan, edarietan, drogerian eta lurrindegian fabrikatzaile liderren markak eta EROSKIrenak berarenak egoten dira.

“Berezia da aukera ematen duelako erosketa azkar egiteko, eta 4.500 erreferentzia baino gehiago eskaintzen dituelako”.

Erosketa azkar egiteko pentsatua dago denda mota hau; oro har, egokia da hiriguneetan etxerakoan edo lanera bidean erosketa egiteko, edo gune turistikoetan eguneko edozein ordutan zerbait erosteko. Astirik ez duten bezeroentzat pentsatuta dago, ustekabeko premiak dituztenerako eta eguneroko erosketak egiteko. Izan ere, formatu honek erosketa osoa egiteko modua ematen du hala produktu freskoetan nola bestelako jakietan.  Gainera, denda hauek berrikuntza teknologikoak dituzte, efizientzia energetikoa hobetzeko eta ingurumenean duten eragina gutxitzeko. Hau da, hotz eta klimatizazio sistema berriak eta ekipamendu eraginkorrak dituzte.

Frankizia supermerkatuen formatu hau zerbitzuguneetara zabaltzen ari gara, eta orain 30 Rapid denda ditugu herrialde osoko gasolindegietan. Saltoki horietan, kontsumitzaileek 700 erreferentziatik gora aurkituko dituzte, eta gainera, baita labe propio bat ere ogi eta opil egin berriak erosteko, eta kafegune bat ere bai.