Category: Gaurkotasuna zure hurbil

Caprabok denda eredu berria garatu du, erosketa esperientzia hobetzeko

Caprabok datozen hiru urteetan eramango dituen ildo estrategikoekin hiru helburu nagusi ditu: lehiakortasunean irabaztea, merkatua birkonkistatzea eta erosketa esperientzia hobea bultzatzea. Hain justu ere, hirugarren helburu horretarako, Caprabok berritzearen aldeko apustua egin du: denda eredu berri bat kontsumitzaileen behar berrietara egokituko dena eta aukera emango diena erraz eta arin erosteko. Eredu hau martxan den supermerkatuetan %30etik gorako salmenta igoerak erregistratu dituzte.

Espazio kosmopolita eta goxo bat da, formatu erakargarriagatik nabarmentzen dena, eta fatxada irekiagoak ditu, argitasun handiagoa sartzen uzteko. Denda berriek altzari funtzionalagoak eta eraginkorragoak dituzte, orobat espazio zabalak eta argiagoak, lasai zirkulatzen uzten dutenak. Supermerkatu eredu berrian,freskoei toki handiagoa eman zaie, eta sarreran kokatu estrategikoki, toki berezia emanez frutei eta berdurei.

“Eredu hau martxan den supermerkatuetan %30etik gorako salmenta igoerak erregistratu dituzte”

Era berean, bezeroaren esperientzia hobetzeko, ordainlekuak protagonismo txikiagoa izateko moduan diseinatu dira, norberak kobratzeko kutxak ipinita. Gainera, zerbitzu berriak ezarri dira “Fet a casa” (etxean egindakoa) kontzeptuarekin, plater eginen atalean eta urdaitegian, urdaiazpikoen atalean eta gaztandegian. Ildo horretan, sitting gune bat sortu dute, elikagaiak kontsumitzeko. Capraboren eredu berriak, gainera, zabaldu egin du produktu sorta beste atal batzuetan ere, hala nola upategian, lurrindegian eta osasunaren eta etxeko animalien atalean.

Era berean, dendako langile taldeek bezeroari laguntzeko prestakuntza jarraitua jasotzen dute, baita profesionalizazioa ere freskoen ataletarako, kalitatezko zerbitzua emango dutela ziurtatzeko.

Ingurumenarekiko konpromisoaren ildoan, Capraboren denda eredu berriak argiztapen sistema efiziente berri bat eta energia aurrezteko teknologiak jarri ditu. Gainera, hondakinak biltzeko jarduerak ezarri dira, eta poltsa berrerabilgarriak eta taperrak sustatzen dira harategian, urdaitegian, arrandegian eta sukaldean. Capraboren belaunaldi berriko denda eredu hori frankizien sarera ere hedatzen hasia da.

Prezioak jaitsi eta 33 milioi eurotik gora aurrezten lagundu diegu bezeroei 2024ko lehen seihilekoan

Irmo eusten diogu kontsumitzaileei aurrezten laguntzeko konpromisoari. Guztira, 33 milioi euro aurrezten lagundu dugu 5.700 produkturen prezioak jaitsita 2024ko lehen seihilekoan. Bere garaian erabaki genuen kostuen igoera prezioetan gutxiago nabaritzeko inbertsioa areagotu egingo genuela; horrela, prezio lehiakorrei eta eskuragarriei eutsi ahal diegu, batez ere oinarrizko elikagaietan eta etxerako diren produktuetan.

Aurrezki horren erdia baino gehiago, zehazki 17 milioi euro, gure markako 1.100 produkturi prezioa jaitsita lortu dugu. Era berean, programa azpimarragarrietako bat “Beti prezio onak” deritzan saskia da: delako saski horretan, 576 produkturen salmenta prezioak jaistea lortu dugu, eta horrek lehenaz gain 13 milioi euroko aurrezkia ekarri du guztira. Denetarik duen saskia da, osasungarria eta merkea; izan ere, 300 produktu fresko dakartza: fruta eta barazkiak, arraina, haragia, ogia, arrautzak eta oinarrizko beste elikagai batzuk, hala nola esnea, jogurtak, pasta eta arroza. Horretaz gainera, etxeko garbigarriak eta zainketa pertsonalerako produktuak ere sartzen dira.

“Programa azpimarragarrietako bat “Beti prezio onak” deritzan saskia da: saski horretan, 576 produkturen salmenta zenbatekoak jaistea lortu dugu, eta horrek lehenaz gain 13 milioi euroko aurrezkia ekarri du guztira”.

Era berean, inbertsio ahalegina areagotu dugu, eta aurrezkia elikadura osasungarriari lotu diogu bereziki. Horrela, produktu freskoen bidez aurrezten laguntzea lortu dugu: 1.183 erreferentzia eta 21,9 milioi euroko aurrezkia.

Horren ondorioz, EROSKIren erosketa saskiak %1,14ko bariazioa izan du 2024an, eta KPIaren igoera berdindu du epe horretan.

Gainera, udako hilabeteak igarota, prezio jaitsierak aktibatu dizkiegu beste elikagai —freskoak barne— eta zainketa pertsonaleko eta etxeko produktu batzuei (guztira 2.000 produktu), “Beti prezio onak” saskian.

Biltegiratze sistema robotiko bat, elikadura arloko eskariak kudeatzen dituena. Aitzindaria Espainian

Palmako Son Morron dugun gune logistikoan, AutoStore sistema robotikoa inauguratu dugu, horrelako lehena Espainiako elikagai banaketaren sektorean. Kateko supermerkatuei edozein produktu zerbitzatzeko modua ematen duen sistema da, baita unitateka ere. Horri esker, erreferentzia guztiak beti eskura daude apaletan jartzeko, dendetan gehiegizko stockik izan gabe. Horrela, bezeroak beti aurkituko du produktua bere EROSKIn.

Balearretako EROSKIn sistema aitzindari hori jartzeko, hiru milioi eurotik gora inbertitu ditu, eta ez da lanposturik kendu behar izan; aitzitik, profesional gehiago kontratatu behar izan dira behar bezala funtzionarazteko.

“Azken belaunaldiko soluzio robotiko horretan hiru milioi euro baino gehiago inbertitu ditugu”.

Smartlogek diseinatu du azken belaunaldiko AustoStorea, errotazio gutxiko eskariak prestatzeko orduan iraultza ekarriko duena. Groceryren automatizazioan dentsitate handieneko biltegiratze sistema delako nabarmentzen da; horrek aukera ematen du produktuak era automatizatuan biltzeko; hala, eraginkortasuna irabazten da banaketan.

EROSKIrentzat, inbertsio horrekin erantzuna eman zaio groceryren banaketa zerbitzuak optimizatzeko premiari. Gure espazioak eraginkorragak dira horrela, eta jauzi handia emango dugu, produktuen picking eraginkorragoa egin daitekeelako eta gure supermerkatuetara eskariak modu zehatzagoan eta efizienteagoan iritsiko direlako.

Datozen hiru urteetan zein ildo estrategiko eramango dugun azaldu diegu hornitzaileei

Ekitaldiak egin ditugu Bilbon, Bartzelonan eta Coruñan, eta 1.200 lagunekin elkartu gara; hor sartzen dira elikagaien industriako 900 hornitzaile, instituzioetako ordezkariak, finantza sektorekoak eta askotariko elkarteak; hala, datozen hiru urteetan gidatuko gaituzten ildo estrategikoak azaldu dizkiegu, zeinak sorkuntzan eta hazkutza jasangarrian oinarrituko baitira.

Bilbon egindako topaketan, Jordi Hereu Industria eta Turismoko ministroaren partaidetza izan genuen, eta horrekin batera Bittor Oroz Eusko Jaurlaritzako Nekazaritza sailburuordearena. EROSKIk balio katean eta tokiko ekonomian duen zeregin funtsezkoa nabarmendu zuten. Rosa Carabel gure CEOak azpimarratu zuen inportanteak direla berrikuntza, jasangarritasuna eta kontsumitzaileen osasuna eta ongizatea eta horiek direla enpresaren plan estrategiko berriko zutabeak.

“Datozen hiru urteetan gidatuko gaituzten ildo estrategikoak azaldu ditugu, zeinak sorkuntzan eta hazkuntza jasangarrian oinarrituko baitira”

Bartzelonan, ekitaldiak bat egin zuen Capraboren 65. urteurrenarekin. Topaketan, hor izan ziren Kataluniako Gobernuko goi ordezkariak, eta nabarmendu zuten EROSKIk konpromisoa duela hurbiltasunarekin eta sektorean berrikuntzak sartzearekin. Roger Torrent kontseilariak Caprabo goretsi zuen, esanez erreferentea dela sektorean bere ibilbideagatik eta gizartean era positiboan izan duen inpaktuagatik.

Azkenik, Coruñako topaketan, Vegalsa-EROSKIk tokiko hornitzaileekin duen lankidetzaz jardun ziren, %19 handitu baita ekoizle horiei 2023an egindako erosketen inbertsioa. Vegalsa-EROSKIko zuzendari nagusiak, Jose Manuel Ferreñok, konpainiak jasangarritasunarekin duen konpromisoan jarri zuen indarra; Rosa Carabelek, berriz, Vegalsak eta EROSKIk elkarrekin daramaten aliantzaren garrantzia berretsi zuen.

Topaketa horiekin gure posizioa indartu dugu, eta bazkide estrategiko modura azaldu gara gure hornitzaileen eta kolaboratzaileen aurrean, denontzat etorkizun oparoago eta jasangarriago bat eraikitzeko.

Gure marka propioak nazioarteko zazpi sari eskuratu ditu

Zazpi sari eskuratu ditugu nazioarteko “Salute to Excellence Awards” sarietan. PLMA Private Label Manufacturers Association erakundeak ematen ditu. Zehazki, elikagaietako hiru erreferentziari, zainketa pertsonaleko biri eta edarietako beste biri eman dizkiete sariak marka propioan.

Irabazi duten EROSKIren produktuak EROSKI markako galleta xigortuak haurrentzako Zizka-mizkak kategorian, EROSKI markako urdaiazpiko zaporeko minitortatxoak hori ere Zizka-mizkak kategorian eta EROSKI markako glutenik ez duen ogitartekoetarako ogia “Gabe” kategorian. Elikagaien saileko sari horietaz gain, edarien kategorian, 2022ko Mar Blava ardo zuriari (Mallorcako Binissalem jatorri izenekoari) zuri iberikoen kalitaterik onenarena eman diote, eta 2022ko Chen de Passion ardo beltzari (Cariñena jatorri izenekoari), berriz, Beltz Iberikorik onenarena. Orobat saritu dituzte bainuko aloe vera gela (bere Belle markakoa) Dutxa eta Bainugelaren kategorian eta Belle markako sensitive krema prebiotiko orekatzailea Aurpegirako Kremak eta Hidratatzaileak kategorian.

“PLMAren azken sariketan, elikagaien arloko gure hiru erreferentziak, zainketa pertsonalerako bik eta edarietako beste bik eskuratu dute bikaintasunaren saria”.

Salute to Excellence Awards sariek bikaintasuna saritzen dute, banatzaileen markako produktuen kalitatean eta berrikuntzan erreparatuz; horretarako, aurreko urtean sartuak izan behar dute Europa osoko supermerkatuetan, hipermerkatuetan, deskontu dendetan, drogerietan eta denda espezializatuetan. Marka propioen gainean munduan dagoen lehiaketarik handiena da, eta aurten 23 herrialdetako 72 txikizkariren 550 produktu, 79 kategoriatan, zeinak ebaluatuak izan baitira produktuaren kontzeptuaren, zaporearen eta itxuraren arabera eta bilgarriari, aurkezpenari eta kalitate-prezioei erreparatuta. Adituen epaimahai batek erabaki du zein produktuk irabazi duten: txikizkako merkataritzako profesionalek, fabrikatzaileek, marketin arloan dihardutenek eta kazetariek osatzen dute epaimahaia.

2023ko ekitaldia itxita, emaitza eta ahalegina ezohikoak izan dira

109 milioi euroko emaitza positiboa izan dugu 2023ko ekitaldian, kontuak 2024ko urtarrilaren 31n itxita; salmenta gordinen % 1,89 da hori. 259 milioi euroraino igo zaizkigu etekin operatiboak; beraz, 2022aren aldean %26,9ko igoera izan dugu.

Jardueraren bolumena ere handitu egin da, 5.729 milioi euroko salmenta gordinak izan baititugu (%6,3tik gorakoak aurreko ekitaldiaren aldean), nahiz eta marjina gordinaren ehunekoa gutxitu egin den oraingoan ere —aurreko ekitaldian hasi ginen kostuen igoera salmentako prezioei ez erasateko helburuarekin—. Hala, ehunekoetan 1,2 puntu apaldu da guztira 2022-2023ko aldian. Ahalegin horren ondorioz, gauden eskualde guztietan hobetu dugu nabarmen elikagaien banaketaren jarduera.

“Urtea amaituta, pausoa aurrera eman eta ezohiko ahalegina egin dugu. Hala, aplikatutako estrategiek erantzuna eman diete gaurko erronka ekonomikoei”.

Urtea amaituta, pausoa aurrera eman eta ezohiko ahalegina egin dugu. Hala, aplikatutako estrategiek erantzuna eman diete gaurko erronka ekonomikoei. Horretarako, funtsezkoa izan da eginahala eraginkortasunean jartzea. Horri esker, sendotasunez kontrolatu eta hobetu ditugu gastuak, baita gure plataformen produktibitatea eta efizientzia ere, eta horniketa kate osoarena. Optimizazio horrek indartu egin dugu EROSKIren posizioa bai prezio aldetik eta bai erakargarritasun komertzialaren aldetik.

Analitika aurreratuaren, big data-ren eta adimen artifizialaren gakoak txikizkako merkataritzan

Txikizkako merkataritzaren sektoreko profesional garrantzitsuak gure ekitaldira bildu ziren analitika aurreatuari, big data-ri eta adimen artifizialari buruz eztabaidatzeko. Hala nola Fernando Pasamonek (Espainiako Deloitteko Managing Partner Consumer Industry and Growth Leader-a), Rai Cararachek (Espainiako Nestlé konpainiako Salmenta Korporatiboen zuzendaria), Rosario Pedrosak (AECOCeko estrategia komertzialaren eta marketinaren arduraduna) eta EROSKIko Ana Cuevasek eta Carmen Guelbenzuk hartu zuten parte mahai inguruan, eta beren ikuspuntua eman zuten teknologia berrien eraginari, erronkei eta aukerei buruz.

Teknologia berrien erabilera txikizkako merkataritzan sartzeak balio katearen kudeaketa nola eraldatzen duen izan zen mahai inguruko gai nagusia. Adituak eztabaidan aritu ziren datuen analitikaren inguruan: kontsumoaren joerak aurreikusteko aukera ematen du, eta halaber, bide ematen du laneko eraginkortasuna optimizatzeko, kontsumitzaileen esperientzia hobetzeko eta merkatuko lehiakortasuna handitzeko.

“Analitika aurreratua eta big data ez dira hobetzeko tresnak bakarrik: ezinbestekoak dira etorkizunean arrakasta izango duten txikizkako merkataritzako negozioen estrategiak ezartzeko ere”.

Eztabaidaren ondorio nagusietako bat zera izan zen, beharrezkoa dela sektoreko eragile desberdinak elkarlanean aritzea merkatuko aldaketetara azkar egokitzeko. Elkarrekin lan eginez produktu eta zerbitzurik onenak eskaintzeko gaitasuna ezinbestekoa da kontsumitzaileek espero dutenari erantzuteko, gero eta zorrotzagoak baitira. Gainera, azpimarratu zuten oso garrantzitsua dela prozesuen eta erabakien eraginkortasuna ziurtatzea. Horregatik guztiagatik, ondorioztatu zuten teknologia aurreratuak funtsezkoak direla.

Ekitaldian garbi geratu zen analitika aurreratua eta big data ez direla hobetzeko tresnak bakarrik: ezinbestekoak direla txikizkako merkataritzan arrakasta izango duen edozein negozioren estrategia ezartzeko.

Lehiakortasun eta hazkunde handiagoa ortzi mugan

Gure zuzendari komertzial Beatriz Santosek gure 2026ra arteko ikuspegi estrategikoaren berrikuntzarik funtsezkoenak aurkeztu zituen. Hala, azaldu zuen apustu sendoa egiten dugula familiek aurreztu dezaten. ‘Beti Prezio Ona’ izateko konpromisoa berrituta, ahaleginak egiten ari gara prezio lehiakorrak eskaintzeko, gure lehiakideen prezio berdinak edo txikiagoak ezarriz eguneroko milaka produktutan. Ikuspegi horren osagarri, bertako produktu freskoen alde egiten dugu apustu, elikadura osasungarria bermatzeko. Plan berriaren funtsezko beste ildo bat produktu sorta eraginkorra izatea da, arreta berezia jarriz kontsumitzaileen beharretan. Horretarako, produktu eta marka ugari eskaintzen dizkiegu kontsumitzaileei, aukeratu ahal izan dezaten.

“Beti Prezio Ona’ izateko konpromisoa berrituta, ahaleginak egiten ari gara prezio lehiakorrak eskaintzeko, gure lehiakideen preizo berdinak edo txikiagoak ezarriz eguneroko milaka produktutan”.

Gainera, Santosek aurreratu zuen datozen hiru urteetan 150 denda berri baino gehiago sartuko direla gure sare komertzialean. Espainiako iparraldean liderrak izaten jarraitu nahi dugu, eta gure presentzia beste eskualde batzuetara zabaldu gure frankizien sarearen bidez.

Gure estrategiaren beste ezinbesteko osagai baten berri ere eman zuen Beatriz Santosek: 100 milioi euro baino gehiagoko inbertsioa egingo dugu eraldaketa teknologikorako programa batean. Adimen artifiziala eta robotizazioa txertatuko ditugu, erabakitzeko ahalmena eta laneko eraginkortasuna hobetzeko.

Sortzea eta haztea dira etorkizuneko gakoak

Bere hitzartzean, Rosa Carabel EROSKIko CEOak 2026ra arteko plan estrategiko berriaren ildo nagusiak aurkeztu zituen, eta erakutsi zuen konpromiso sendoa dugula berrikuntzarekin, jasangarritasunarekin, osasunarekin eta aberastasuna sortzearekin. Carabelek azpimarratu zuen EROSKIren enpresa eredua bakarra eta berdingabea dela sektorean, lantaldeak bat eginda baitaude, eta oso berritzaileak baitira. Adierazi zuen EROSKIrentzat “funtsezko garaia dela merkatuan duen posizioa indartzeko“.

Erakundearen arduradun nagusiak azaldu zuen datozen hiru urteetarako gure bide orriak etorkizun oparoa eta jasangarria duela helburu, eta ardatz hauek dituela: kalitatea, zerbitzu gero eta pertsonalizatuagoa, eta gure dendetan erosketak modu gero eta pertsonalizatuan egin ahal izatea. Horren guztiaren oinarria kontsumitzaileen osasuna eta ongizatea da. Gainera, ziurtatu zuenez, “emaitzen bilakaera positiboa da, zorra normalizatuta daukagu, sare osasuntsua eta eraginkorra osatzen dugu, prezioen lehiakortasunean hobera egin dugu nabarmen, eta kontsumitzaile gero eta gehiagok egiten digute aitortza; beraz, EROSKIrentzat sortzeko eta hazteko garaia da”.

“EROSKIrentzat funtsezko garaia da merkatuan duen posizioa indartzeko”.

Plan estrategiko berriak indartu egiten du EROSKIk gaur egungo merkatuaren erronketara egokitzeko duen gaitasuna eta lidergoa, eta baita ingurumena errespetatu eta ingurua jasangarriago egiteko dugun konpromisoa ere. Rosa Carabelek azaldu zuen oraintxe bertan EROSKI lider kontziente bat dela, eta prest dagoela etorkizuneko erronkei aurre egiteko.

Estrategiak eta etorkizuna partekatuz

EROSKIren 2024ko ekitaldia hornitzaileekin | Eskertza bideoa

EROSKI osatzen dugunontzat mugarri garrantzitsua izan den ekitaldi berezi baten berri eman nahi dizuegu, laburpentxo bat egin. Bilbon elkartu ginen elikadura industriako 300 hornitzaile baino gehiagorekin, elkarrekin dugun etorkizunari buruz hausnartzeko. Halaber, Jordi Hereu Industria eta Turismo ministroak eta Bittor Oroz Eusko Gobernuko Nekazaritza, Arrantza eta Politikako sailburuordeak ere parte hartu zuten ekitaldian, eta ohore handia izan zen hori; sektoreko pertsona garrantzitsuenak ere gurekin izan ziren. Ekitaldian, datozen hiru urteetarako ildo estrategikoak aurkeztu genituen: plan berriak gure sustraiak eta balioak indartuko ditu, eta gure eginkizuna berrituko du, etorkizun oparo eta jasangarri batean ‘Sortzeko eta Hazteko’. Izugarri eskertzen diegu ekitaldira bildu zirenei eta beren ideiak plazaratu zituztenei. Gurekin egon ezin izan zutenen falta ere sumatu genuen, eta horregatik, ekitaldiaren bideo hau partekatu dugu; gure helburua eta konpromisoa izan ditugu hizpide bideoan: enpresaren arrakasta eta inguruan aberastasuna sortzeko ahalegina uztartzea, kontsumitzaileak asebeteta geratzen direla ziurtatuz eta elikadura osasungarria sustatuz. Gure bidelagun izateko gonbita egin nahi dizuegu, etorkizun jasangarriago eta oparoago bat lortzeko bidean. Eskerrik asko bidaia honen parte izateagatik.