Category: Gaurkotasuna zure hurbil

Aparteko plataforma digital bat sortu dugu tokiko produktuei laguntzeko

Tokian tokiko produktuei balioa emateko konpromisoak markatzen du gure ibilbidea sortu ginenetik. Konpromiso horrek indarrean jarraitzen du inoiz baino sendoago. 4.600 hornitzaile baino gehiagorekin batera, EROSKIn lanean dihardugu formula berriak bilatzen, inguruneko produktuak sustatu eta gaurko kontsumitzaileari ezagutarazteko. Kontsumitzaile multikanal horrek berdin darabiltza kanal tradizionalak, dendak eta Internet. Horregatik, EROSKIn, aparteko lekua eman diegu tokiko produktuei unibertso digitalean. Horretarako esperientzia aurrendari eta berezi bat sortu dugu, beste operatzaileek ez dutena: webgune bat, balioan jartzen dituena tokiko produktuak, ekoizleak eta ingurune lokala.

“Ona da hemengoa izatea” webgunearen bitartez, gure nahia da kontsumitzaileari bere inguruneko produktuen esentzia eta benetakotasuna erakustea, tokian tokiko tradizioa eta zaporeak sustatzea eta iraunkortasunaren alde egitea.

“Kontsumitzaileak erraz aurki ditzake autonomia erkidegoetako produktuak webguneko mapa interaktiboaren bitartez, eta plataforman batu ditugun eta denda sarean eskaintzen ditugun tokiko 24.000 produktu baino gehiago ezagutu.

Kontsumitzaileak erraz aurki ditzake produktuak webguneko mapa interaktiboan, autonomia erkidegoaren arabera. Erkidegoetan nabigatuta, gure dendetan saltzen diren 24.000 produktu baino gehiago ezagutu ahalko ditu plataforman. Horretaz gain, tokian tokiko orrien bitartez, eskaintzak kontsulta ditzake, sasoian sasoiko elikagaiak, tokian tokiko hornitzaileen eta adituen elkarrizketak, gaurko berriak, azalpen bideoak…

Kontsumitzaileak on line egin dezake erosketa, eta kalitate zigiluak eta produktuen jatorria ezagutu. Ezohiko lehengaiekin errezetak nola osatzen diren ere ezagutu dezake. Are, izena eman dezake ekitaldi gastronomikoetan, hala nola EROSKIren dendetan egiten diren aurkezpenetan eta dastaketetan.

Eta hori guztia bakoitzak nahi duen lekuan, edozein gailu digitaletatik; izan ere, webgunea horietara guztietara egokitzen da.

Kontsumitzaileak markarekin duen lotura hobetu egin dugu, orain leialagoa baita

Kontsumitzaileek ikusten dute EROSKIk erraztasuna ematen diela inguru hurbileko produktuak erosteko, eta inplikatuta dagoela tokian tokiko aberastasuna sustatzearekin. 2019ko lehen seihilekoan azterketa zorrotz bat egin dugu kontsumitzaileek marka nola hautematen duten jakiteko eta haien premietara hobeto egokitzeko, eta huraxe izan da azterketako ondorio nagusietako bat.

“Datuek azken urteetako joera positiboa berretsi dute, eta EROSKI marka toki onean dago kokatuta tokian tokiko produktu osasungarri eta iraunkorrei dagokienez”.

Datuek azken urteetako joera positiboa berretsi dute, eta EROSKI marka toki onean dago kokatuta tokian tokiko produktu osasungarri eta iraunkorrei dagokienez. Kontsumitzaileek ikusten dute ahalegina egiten dugula marka propioko produktuen nutrizio kalitatea hobetzeko; gure markako produktuekin elikadura osasungarri, osatu eta orekatu bat egin ahal dutela irizten diote, eta, gainera, ingurumenaz kezkatzen garela. Bestalde, osasunari eta ingurumenari buruz kanal askotarikoen bidez ematen dugun informazioagatik ere estimatzen dute gure ahalegina, dela etiketak, dela aldizkariak, dela webgunea.

“Kontsumitzaileek ikusten dute ahalegina egiten dugula marka propioko produktuen nutrizio kalitatea hobetzeko; gainera, gure markako produktuekin elikadura osasungarri, osatu eta orekatu bat egin ahal dutela irizten diote, eta gure dendetan produktu aukera zabala dagoela”.

Markak eta kontsumitzaileak elkarrekin duten loturak ere hobekuntza handia izan du, gure bezeroa leialagoa baitzaio markari. Gure denda sarean egiten duten erosketaren esperientziari dagokionez, haien balorazioa baikorra da. Estimatzen dituzten alderdien artean daude langileen ezagutza, adeitasuna eta profesionaltasuna, erosketa erraz eta laster egiteko ematen duten zerbitzua, denden txukuntasuna eta garbitasuna, bai eta ordainlekuan nahiz mostradoreetan zain denbora gutxi egon behar izatea ere. Hobetu egin da, halaber, kontsumitzaileek gure markako produktuez duten iritzia eta batez ere gure dendetan dagoen produktu aukeraz dutena.

Aitzindariak nutrizio arloko Nutri-Score etiketa aurreratua ipintzen

Elikagaiek nutrizio aldetik duten kalitatea modu ulergarrian erakustea funtsezkoa da, eta hori bera da Osasunaren eta Iraunkortasunaren alde hartuak ditugun konpromisoetako bat. Hori dela eta, 2018ko amaieran, aitzindariak izan ginen Espainian nutrizio arloko Nutri-Score etiketa ipintzen marka propioko produktuetan.

“EROSKIren dendetan dagoeneko 80 elikagai produktu ditugu Nutri-Score etiketa berriarekin. Pixkanaka zabalduko dugu gainerako produktuetara, eta 2020rako marka propioko 1.400 erreferentziak gaindituko ditugu”.

EROSKIren dendetan dagoeneko 80 elikagai produktu ditugu Nutri-Score etiketa berriarekin, zeinak nutrizioaren kalitatearen aldetik sailkatzen dituen produktu horiek. Pixkanaka zabalduko dugu gainerako produktuetara, eta 2020rako marka propioko 1.400 erreferentziak gaindituko ditugu.

Hala, kontsumitzaileak erraz ikusi ahalko du nutrizio aldetik nolako balorazioa duen produktu bakoitzak, eta, antzekoak diren beste batzuekin konparatuz, onena aukeratu, semaforo nutrizionalak ematen duen informazioaren xehetasunik galdu gabe.

Elikadura-zientzien arloko akademikoek sortua da Nutri-Score eredua, eta Europako Batasunak balioztatua dago; gainera, Osasunaren Mundu Erakundearen babesa du. EROSKIren Bezero Bazkideek proposamenaren alde egin zuten partaidetza prozesu baten bidez; galdetu egin genien hura jarri ala ez erabaki aurretik, eta, parte hartu zuten 10.000 Bezero Bazkideetatik baino gehiagotatik, %85ek egin zuten ekimenaren alde; haien ustez, etiketa eredu hori erabilgarriagoa, argiagoa, osoagoa eta ulergarriagoa da, eta tresna aproposa nutrizio hautu hobeak egiteko.

Nutri-Score etiketa aurreratuak sailkapen orokor bat erakusten du nutrizio kalitatearen arabera, eta bost mailatako eskala soil bat darabil horretarako, bakoitza letra eta kolore batekin adierazia (A berdetik E laranja ilunera). Kalkuluei dagokienez, hiru elementu neurtzen ditu produktu baten 100 gramotan: kaloriak, osasunerako onak izan daitezkeen mantenugaiak (zuntza, proteina eta fruitu, barazki, fruitu lehor eta lekale kopuruak) eta murriztea komeni diren mantenugaiak (gantz saturatuak, gatza eta azukreak).

“Jada aurrendariak izan ginen 2007an, semaforo nutrizionala ipini baikenuen gure produktuen ontzietan. Aurrerapen handia izan zen bere garaian”.

Jada aurrendariak izan ginen 2007an, semaforo nutrizionala ipini baikenuen gure produktuen ontzietan. Aurrerapen handia ekarri zuen bere garaian, eta gaur egun gure markako artikulu guztietan da. Haren bitartez, kontsumitzaileek begi kolpe batean ikus dezakete zenbat kaloria, azukre, gantz, gantz saturatu eta gatz dakarren produktu baten errazio batek hura kontsumitzean, baita egunean kontsumitu beharrekoen ehunekoak ere, hiru kolorerekin, berdea, horia eta laranja; bere izenak dioen gisan, semaforoek bezala.

Ardurazko kontsumo bat sustatzearenak ez gaitu bultzatzen gure dendetako produktuak hobetzera eta informazio hobea ematera bakarrik, baizik eta baita era aktiboan parte hartzera ere osasunaren arloan. Horregatik, hitza ematen dugu eredu objektibo bat garatuko dugula sorta bakoitzean diren aukerarik orekatsuenez informatzeko eta gomendioak emateko.