Langileen eta bezeroen osasuna zaintzea lehenengoa da
Alarma egoera dekretatu zenetik, EROSKI egunero dago osasun agintariekin harremanetan lastertasunez eta prebentzioz jokatotzeko. Gaitzari aurrea hartzeko eta hartatik babesteko neurri asko hartzen joan gara. Esaterako, garbiketari dagozkionak, produktuen eskuragarritasuna, zerbitzuen egokitzapena eta erosketa egiteko orduan ohitura jakin batzuek duten garrantziari buruzko informazioa.
Garbiketa zerbitzua, hain zuzen, indartu egin dugu, eta kontaktu gainazalen desinfekzioa areagotu. Bestalde, eskularruen erabilera orokortu dugu bai langileetan eta bai bezeroetan. Hala berean, soluzio hidroalkoholiko bat ipini dugu ekipoentzat, eta ahal den neurrian zaku barruan produktua ez manipulatzea gomendatu.
“Metakrilatozko 4.000 pantaila baino gehiago instalatu ditugu ordainlekuetan eta langileak ditugun ataletan, bai ordainlekuko langileak eta bai bezeroak babesteko”.
Saltokietara erostera doazenen kopurua kontrolatzeko sistema bat ezarri dugu; kontua da gutxieneko segurtasun distantzia bat bermatzea, osasun agintariek gomendatu duten bezala prebentzio eta babes neurri gisa. Hala berean, segurtasun distantzien protokoloak ipini ditugu erosketa gehien egiten den freskoen atalean, hala nola arrandegian, harategian eta urdaitegian. Gainera, astero-astero jakinarazten dugu noiz joaten den jende gehien dendara, bakoitzak erabaki dezan noiz datorkion ondoena erosketak egitera joatea.
“Beste prebentzio neurri batzuk ere ipini ditugu gure dendetan: garbiketen gainekoak, produktuen eskuragarritasuna, zerbitzuen moldaketa eta erosteko orduan gorde beharreko ohitura batzuei buruzko informazioa”.
Horrekin batera, metakrilatozko 4.000 pantaila baino gehiago instalatu ditugu ordainlekuetan eta langileak ditugun ataletan, bai ordainlekuko langileak eta bai bezeroak babesteko.
Era berean, jendeak kontzientzia handiagoa har dezan, EROSKI gomendio gehiago ari zaie ematen bezeroei erosketen inguruan. Esaterako: familia osotik kide bakarra joatearena; arrisku taldeak dendara ahal den gutxiena agertzea; eskularruak erabiltzea eta papeontzietara botatzea erabili eta gero; ahal dela txartelarekin zein sakelakoarekin ordaintzea kontakturik ez egoteko; dendara erosketa zerrenda eginda eramatea…
