Gure kontsumitzaileen osasuna
elikatzen
Elikadura osasungarria sustatzen dugu
EROSKIn, produktu freskoak dira gure proposamenaren motorra eta elikadura osasungarritzat jotzen dugunaren funtsa. Egunero lan egiten dugu mahaietara kalitaterik oneneko frutak, barazkiak, haragiak eta arrainak hurbiltzeko, eta xehetasun guztiak zaintzen ditugu jatorritik freskotasuna bermatzeko. Dieta orekatu bat konfiantzazko eta hurbileko elikagaiekin hasten delako.
% 100 produktu freskoak egunero
"Kalitatezko produktuak eskaini eta kontsumitzaileen elikadura ona bultzatu nahi duen denda-talde bat garelako".
Informatu elikatzeko
Nutri Score, erosketa-saski osasungarriago eta kontzienteago baterako
Etxera eramaten duguna aukeratzea ez da inoiz izan hain erraza. EROSKIn, gure produktuen Nutri-Score etiketari esker, bezeroek azkar eta argi aldera ditzakete produktuak; hala, erabaki arduratsuak eta kontzienteak hartzen laguntzen diegu. Aurrealdeko etiketa horri esker, begiratu batean identifika daitezke nutrizio-osaera hobea duten aukerak, eta erosketa-saski orekatuago bat osa daiteke.
Gainera, fabrikatzaile eta banatzaileak beren produktuak hobetzera bultzatzen ditu Nutri-Score etiketak, eta denontzat onuragarria den lehia bat sortzen du. Ekimen horri esker, ditugun gama asko birformulatu egin dira, eta batzuk desagertu ere egin dira linealetik nutrizio-estandarrak betetzen ez bazituzten; aukera orekatuagoak eta arduratsuagoak dituen supermerkatu bat sortu da hala.
Ikusi Nutri-Score etiketaren eragina txostenean.
Konfiantzaz erabakitzea eta zentzuz kontsumitzea Consumer EROSKIrekin
Consumer EROSKI pertsonei kontsumo-erabakietan laguntzeko gune bat da, ikuspegi hurbil eta praktiko bat duena. Gure aldizkariaren eta atariaren bidez, produktuak eta zerbitzuak modu kontzientean aukeratzea errazten duten ezagutzak eta tresnak partekatzen ditugu, egunerokoan kontsumo arduratsuagoa eta jasangarriagoa sustatuz.
Kontsumitzailearentzako onurak:
- Informazio egiazkoa, zorrotza eta independentea eskuratzea.
- Erabaki informatuak hartzeko tresnak eta ezagutzak.
- Bizi-ohitura osasungarriak eta kontsumo arduratsua sustatzea.
- Ingurumena eta kontsumitzailearen eskubideak zaintzen laguntzea.
- Produktu eta zerbitzuekiko konfiantza, gomendio objektiboei esker.
Gure Elikadura Eskola: Gizarte osasuntsuago bat eraikitzen
EROSKIn uste dugu etorkizuneko osasuna haurtzarotik eraikitzen dela. Hori dela eta, elikadura- eta aisialdi-ohitura berriei lotutako haurren obesitatearen hazkundearen aurrean, Elikadura Eskola sortu dugu: ondo jatearen eta gehiago mugitzearen balioa deskubritzera bultzatzen dituen hezkuntza-ekimena.
EROSKI Fundazioa da proiektuaren bultzatzailea, eta nutrizionistek, pedagogoek, osasun-adituek eta komunikatzaileek elkarrekin egindako lanetik sortu da. Familia Gelak osatzen du proiektua, eta ikaskuntza etxera eramaten du, familia osoak parte har dezan. Gure erronka argia da: elkarrekin modu osasuntsuagoan bizitzen ikastea eta, horrekin batera, gizarte zoriontsuago bat eraikitzea.
