EROSKIn parte hartzeko
modu desberdin bat

EROSKIren Mendeko Finantza Ekarpenen (MFE) jaulkipenek, CNMVren gomendioei jarraituz, SEND negoziazio-plataforman kotizatzen dute, inbertitzaile txikizkariei zuzendutako errenta finkoko jaulkipen guztiek bezalaxe.

Aipatutako ekarpenen interesen kalkulua eta ordainketa hasierako balio nominalaren gainean egiten da, eta EROSKI S. Coop.ek borondatezko amortizazio aurreratua egiten du. aipaturiko nominalaren % 100ekoa da (nahiz eta gaur egun ez dagoen inolako itxaropenik balizko amortizazio aurreratu horri buruz).

Eroskiren Mendeko Finantza Ekarpenen Jaulkipenei dagokienez (“MFE”), eta Balore Merkatuaren Batzorde Nazionalaren erregistro ofizialetan 2002ko ekainaren 18an, 2003ko uztailaren 11n eta 2004ko ekainaren 25ean egiaztatu eta inskribatutako informazio-liburuxketako aurreikuspenak betez (ISIN ES 0231429004); jakinarazten dizugu 2026ko otsailaren 1etik 2027ko urtarrilaren 31ra bitarteko aldirako ezarritako kupoia % 5,246koa izan dela.

Era berean, eta Eroskiren Mendeko Finantza Ekarpenen Jaulkipenari dagokionez (“MFE”), zeinaren dokumentazioa egiaztatu eta Balore Merkatuaren Batzorde Nazionalaren erregistro ofizialetan inskribatu baitzen 2007ko ekainaren 19an (ISIN ES 0231429038); dokumentazio horretan aurreikusitakoa betez, jakinarazten dizugu 2026ko otsailaren 1etik 2027ko urtarrilaren 31ra arteko aldirako ezarritako kupoia % 74,46 izan dela.

EROSKIk 2002an MFEen lehen jaulkipena egin zuenetik, kooperatibak unean-unean bete du urteko interesak ordaintzeko konpromisoa, eta 509,4 milioi euro ordaindu dizkie inbertitzaileei. MFEen ordainketak Euriborra gehi 3 puntuko diferentziala du erreferentzia 2002 eta 2004 arteko MFEen jaulkipenetarako, eta % 2,5eko diferentziala 2007ko MFEen jaulkipenerako.

Azken ordainketa kontuan hartuta, 2002an MFEak erosi dituen inbertitzaile batek hasierako inbertsioaren % 108,1 jaso du dagoeneko, interes gisa. 2004tik MFEak dituen inbertitzaile batek % 95,7 kobratu du interesetan, eta 2007koak bere inbertsioaren % 69,4 ordaindu du.