ENVIROSCORE, ingurumen-inpaktuaren berri emateko sistema

  • Regional
  • Producción sostenible

Eroski buru duen ENVIROSCORE proiektua 2022an garatu zen. Bertan parte hartu zuten EUSKABER hegazti-kooperatibak, ARROYABE kontserba-enpresak, eta esnea ekoitzi eta ontziratzen duten S.A.T. KARRANTZA eta GRUPO TGT enpresek, eta AZTI Zentro Teknologikoak ere laguntza eman zuen.

Proiektu honen helburua da ENVIROSCORE ABCDE ingurumen-inpaktuaren berri emateko sistemaren erabilera baliozkotzea, tresna egokia izan dadin elikagaiak ekoitzi eta kontsumitzeko modua aldatzeko, eta ingurumena gehiago errespetatzen duten ereduak lortzeko.

Proiektuan, ekintza hauek egingo dira:

  1. Bizi-zikloaren analisia (BZA) hiru elikagai-mota bereizitan (esneki, arrautza eta arrain-kontserbetan).
  2. BZAren emaitzak ENVIROSCOREri bidaltzea puntuatzeko.
  3. ENVIROSCORE etiketa sortzea, dagokion letrarekin. Produktuen linealean edo ontzian aplikatzea, logoa erabiltzeko zuzentarauak betez.
  4. Kontsumitzaileen ulermena eta onarpena ebaluatzea.
  5. Hautatutako produktuen puntuazioa kategoria bereko beste produktu batzuekin alderatzea.
  6. Hobera egiteko aukerak sortzea balio-katean, ENVIROSCOREk hautatutako produktuak hobetzeko; izan ere, horrek hautatutako produktuen lehia-bereizketa ekarriko du.
  7. ENVIROSCORE sustatzeko eta haren berri emateko sistema bat garatzea, EAEko kontsumitzaileen artean kontsumo arduratsua sustatzeko.

https://ecoinnovacion.ihobe.eus/proyectos/consumo-responsable-y-traccion-ambiental-en-la-cadena-agroalimentaria-vasca-enviroscore