Gure gaitasun logistikoa eta ekipoa handitu ditugu bezeroari ematen diogun zerbitzua indartzeko
Azken asteetan, koronabirusak ekarri dizkigun kezkak eta ardura dela eta, gizartean ezinegona hedatu da dendetan produkturik aurkituko ez duelakoan; horrekin batera, etxetik kanpoko kontsumoa eten egin da. Ondorioz, oinarrizkoak diren zenbait produkturen eskaria asko handitu da. Premia horiek ahal den ondoena estaltzeko eta produktua dendan izango dela bermatzeko, gure gaitasun logistikoa handitu dugu. Orobat indartu ditugu gure dendetako hornidura eta gure taldeak. Nahiz eta une jakin batzuetan izugarri handitzen ari den zenbait produkturen eskaria, zuzenbidean ez dugu arazorik izango oinarrizkoak diren produktuekin hornitzeko.
Aplikatu ditugun neurrien artean, eskariak berrikusten ari gara egunean-egunean dagoen eskaera kopurura egokitzeko. Gure plataformen segurtasun stock-ari dagokionez, berriz, gehien eskatzen ari diren elikagaien eta drogeriako produktuen lehen mila erreferentziak identifikatu ditugu esku-eskura egon daitezen. Horrekin batera, lehentasunezko mila erreferentzia horien salmenta iragarpena handitu dugu gure marka guztietan, nola eta formatu produktibo berriak ezarrita, batez ere dendarik txikienetan.
“Gure gaitasu logistikoa handitu dugu, eta dendak hornitzeko gaitasuna eta gure ekipoak indartu”.
Gure plataforma logistikoen gaitasuna ere handitu dugu, harrera prozesuetatik ekoizpeneraino. Era berean, gure plataformek lantzen duten sorta egokitu dugu, gainerako sare logistikoari laguntzeko; asko saltzen diren erreferentzien kasuan, zerbitzu deszentralizatua aktibatu dugu, eta gaueko lan txanda ipini dugu horietan guztietan. Gamak identifikatu ditugu, eta zenbait plataformatan zentralizatu. Hortik kanpo, egunero ari gara segimendua egiten etenik ote dagoen jakiteko eta denden horniketak nola doazen berrikusteko. Hala berean, gure hornitzaileekin zerbitzu alternatibak bilatzen ari gara, plataformen gaitasuna arintzeko eta produktua dendetara ahalik eta lasterrena helarazteko.
“On line zerbitzuaren gaitasuna %40 handitu dugu”.
On line supermerkatuan izugarri handitu da eskari kopurua. EROSKIk bizkoiztu egin du etxeetara igortzen diren eskarien zerbitzua zenbait egunez, eta gure jarduerari etenik gabe eutsi diogu. Dendan, autoan edo oinez hartzeko on line eskarien bilketa zerbitzuan ere igoera izaten ari gara; 40 bilgunetik gora ditugu. Guztiak dauzkagu operatibo. Egoera zein den ikusita, gure “on line” zerbitzuaren gaitasuna %40 handitu dugu.
Gure ekipoak ere indartu egin ditugu, bai kanpotik jende gehiago ekarrita eta bai bere zereginak gure egoitzetan egiten dituzten pertsonek lagunduta, haien jarduna ez baita hain larria gaur egun. EROSKIren parte garen guztiak lanean ari gara gure bezeroa hartzeko eta laguntza emateko ezohiko egoera honek ahalbideratzen duen baldintzarik onenetan.