Category: Gaurkotasuna zure hurbil

Aitortza “Elikatu pentsatzen duzuna” plataformari Euskaliten 2025eko sarietan

Euskaliten Kudeaketa Aurreratuko Jardunbide Onen Sari ospetsua jaso dugu, “Elikatu pentsatzen duzuna” plataforma berritzaileari esker. Plataforma horrek elikatzeko ohitura osasungarriak sustatzen ditu heziketaren arloko edukien bitartez, hala nola artikuluak, errezetak eta ekitaldiak, denak ere kontsumitzaileen egunerokoan lagungarri suertatzeko diseinatu direnak.

“Gure plataformak lortu du eragin esanguratsua izatea; hala, indartu egin da gure marka familien ongizatearekin eta nutrizioarekin konprometituta dagoelako jarrera”.

Hurbilekoa eta eskugarria izateko ikuspegiarekin eginda dago plataforma, eta indartu egin da EROSKI marka bezala familien ongizatearekin eta nutrizioarekin konprometituta dagoelako jarrera. Euskaliten aitortzak agerian utzi du ekimenak duen balioa, saritu egiten baitu marketin eta komunikazio estrategien bikaintasuna kontsumitzaileen egiazko loturarekiko.

Sariak azpimarratzen du ohitura osasungarriak sustatzen zer-nolako zeregina betetzen dugun, eta areagotu egiten du plataforman parte hartzen duten hornitzaileekin dugun konpromisoa; elkarrekin, kontsumitzaileekiko heziketa ikuspegi arduratsu eta hurbilagoa eraikitzen ari gara.

Caprabok merkatuko eredurik berritzaileenarekin berritu du bere denda aipagarrienetakoa, Illa Diagonalen

Caprabok amaitu du bere denda enblematikoa eraldatzetik Illa Diagonal zentro komertzialean (Bartzelona), bost milioi euro inguru inbertituta. Eredu berria 2024-2026 Plan Estrategikoarekin lerrokatuta dago: beste era batera ikusten du erosketa esperientzia, gehiago bideratua produktu freskora, digitalizaziora, iraunkortasunera eta zerbitzu pertsonalizatura. Eraldaketa horrek erreferente gisa sendotu du denda hau berrikuntzan eta hurbiltasunean, eta merkatuko saltokirik berritzaileenetakoa da.

4.000 metro koadroko azalera du, eta eredu berri baten alde egiten du apustu: hurbiltasuna, espezializazioa, produktu freskoa, digitalizazioa eta erosketa-esperientzia bakarra. Berritasun nagusien artean, azpimarratzekoak dira okindegia, kafetegia ere badakarrena, barra gastronomikoa, unean egindako eramateko janariaren eremuak eta premium bodega bat cava hoztuarekin.

“Irekiera honek mugarri bat ezartzen du modernizazio prozesuaren barnean Capraboren denda sare osoan, 2020tik hona 120 supermerkatu baino gehiago eraberritu baitira”.

Gainera, espazio berriak iraunkortasunean jartzen du fokua, energia eraginkortasunerako neurriak baitakartza eta azken belaunaldiko hozte eta girotze sistemak. Digitalizazioari dagokionez, erosketa arintzeko tresnak dakartza, hala nola etiketa elektronikoak, pantaila informatiboak eta Scan & Go sistemak.

Lantaldea bera ere indartu egin da erreformarekin: beste 16 langile hartu dira, eta prestakuntza espezializatua eman zaie, zerbitzua trebetasunez eman dezaten, batik bat freskoen atalean. Irekiera honek mugarri bat ezartzen du modernizazio prozesuaren barnean Capraboren denda sare osoan, 2020tik hona 120 supermerkatu baino gehiago eraberritu baitira; gainera, Katalunian duen posizioa sendotu du retailaren erreferente gisa.

Igo egin da sasoiko produktuen kontsumoa eta horien sustapenak indartu ditugu

Udako hilabeteek joera bat markatzen dute, Espainiako familiek gehiago gastatzen baitute sasoiko produktuetan. Horrela erakusten du Udako Kontsumo Ohituren Azterketak. Lan horretan azaltzen da ekainean, uztailean eta abuztuan egiten diren gastu guztien %18 udako kategorietan biltzen direla, hala nola fruta, eguzkitako kremak, izozkiak, garagardoa eta freskagarriak.

Produktu horietan egiten den gastua igotzearekin batera, igo egin ohi dira bezeroak erosten dituen unitateak (%10,8) eta egiten dituen erostaldiak (%9,1), hileroko tiketa batez beste ia 385 eurokoa delarik garai hauetan. Urtaro honetako eboluzioa ez da berdin banatzen soslaiei begiratzen badiegu: lagun bakarreko etxeetan, adibidez, 1,5 gehiago gastatzen dute urteko batezbestekoa baino kategoria horietan; seme-alabak adinez nagusi dituztenen familietan, berriz, 600 eurotik gorakoak dira hileko.

“43 milioi eurotik gorako inbertsioa aktibatu dugu udarako sustapen espezifikoekin, eta marka propioko 100 produktu atera ditugu udako sasoirako”.

EROSKIn, garai honetako salmentak gogor dinamizatzeko apustu bihurtu dugu informazio hori. Horretarako, 43 milioi eurotik gorako inbertsioa aktibatu dugu udako sustapen jakinetarako. Ekintzen artean daude 2×1 eta 3×2 eskaintzak, deskontuak bigarren unitateetan, kupoi digitalak eta fisikoak, zozketak eta opariak. Horretaz gainera, marka propioko beste 100 produktu atera ditugu, udako sasoirako bereziki pentsatuak. Salmenta kanalei dagokienez, hipermerkatuek eta supermerkatuek biltzen dute udako salmenta hazkundearen parterik handiena, hurrenez hurren %51 eta %45 handitzen zaizkielarik sasoiko produktuetan. Online kanala ere handitzen ari da, eta erakusten du kontsumitzaileak gero eta konektatuago eta erosoago daudela erosketa digitalekin, baita udan ere.

Elkarrekin goaz iraunkortasunerantz: hornitzaileei lagun egiteko programak 370 partaide baino gehiago ditu

Jarraitzen dugu indartzen tokiko ehun produktiboarekin dugun konpromisoa, “Tokiko Hornitzaileei Lagun Egiteko Programa”-ren bitartez, zeinak dagoeneko badituen nekazaritzako elikagaiak ekoizten dituzten 376 partaide.  2022an abiatu genuen ekimen hori Euskal Autonomia Erkidegoan, eta Galiziara, Nafarroara eta Aragoira hedatu dugu, etengabe hobetzen laguntzeko gure hornitzaileen ingurumen eta gizarte arloko jardunbideak eta gobernu korporatiboarenak.

Konturatzen gara nolako garrantzia duen gure kolaboratzaileei erraztasunak emateak arau berrietara egokitu daitezen, eta, arau berrietara bezala, berdin iraunkortasun arloan kontsumitzaileek egiten dituzten gero eta eskakizun handiagoetara ere. Hori dela eta, programak erdigunean jartzen du ekoizpen sistema iraunkortasunerantz aurreratzeko tresnak eta babesa eskaintzea eta, aldi berean, balio kate osoan kalitatea eta gardentasuna bermatzea.

EROSKIk  lankidetza estutzea bilatzen du gure tokiko hornitzaileekin, eta gonbidatzen ditugu programa honetan parte hartzera, elkarrekin egin dezagun merkaturatzen ditugun produtuen iraunkortasunerako bidea.

“Jarraitzen dugu indartzen tokiko ehun produktiboarekin dugun konpromisoa, ‘Tokiko Hornitzaileei Lagun Egiteko Programa’-ren bitartez, zeinak dagoeneko badituen nekazaritzako elikagaiak ekoizten dituzten 376 partaide”.

Programak diagnostiko pertsonalizatua dakar, eta abian jarriko ditu prestakuntza ekimenak. Haren bitartez, indartu egingo dugu nekazaritzako elikagaien sektorearen garapen jasangarria, horrek lagunduko baitigu etorkizun arduratsuagoa eraikitzen.

Iaz, jasangarritasunaren arloko 80 prestakuntza-ekimen baino gehiago garatu genituen programa zela medio. 2025ean, are gehiago garatu ditugu gaikuntza ekintzak, nola eta elikaduraren gaineko klusterrak eginez programa martxan den eskualdeetan. Horretaz gainera, aurten ere parte hartuko dugu Mundu Ituneko “Hornitzaile iraunkorrak: gaikuntza programa”-n. 2024an, horri esker, 1.000 prestakuntza ordu eman ziren gure elikadura katean honako gai hauen inguruan: giza eskubideak, ingurumena eta garapen jasangarria.

Caprabo atxiki zaio “Gastronomiaren Mundu Eskualdea Katalunia 2025” ekimenari

Caprabok bat egin du “Gastronomiaren Mundu Eskualdea Katalunia 2025” ekimenarekin. Ekimen horrek aitortzen du Kataluniak ondasun aberatsa duela sukaldaritzaren alorrean. Generalitateak bultzatzen du, eta asmoa da Katalunia erreferente gisa sendotzea elikaduraren eta turismo enogastronomikoaren arloan.

Caprabok ibilbide luzea egina du hurbileko ekoizpenari babesa emanez, eta bat egin du hurbileko elikadura jasangarriaren eredua indartzeko. Konpromisoaren erakusgarri dira eskualdetarako dugun hurbileko programa eta gure Feria eta Jardunaldi Gastronomikoak.

2025ean, Katalunia izendatu dute Gastronomiaren Mundu Eskualde. Gastronomiaren, Kulturaren, Arteen eta Turismoaren Nazioarteko Institutuak izendatu ere. Sukaldaritzan Kataluniak duen lidergoari egindako aitortza da, eta horrek egokiera ematen dio sektorean berrikuntza eta jasangarritasuna bultzatzeko.

“Caprabo joan deneko hogeita hamar urtean dabil hurbileko produktuen ezagutza eta kontsumoa sustatzen”.

Caprabo joan deneko hogeita hamar urtean dabil hurbileko produktuen ezagutza eta kontsumoa sustatzen, eta bat egin du ekimenarekin; horrela, indartu egingo du hurbileko elikadura eredu jasangarri, kalitatezko eta errotu baten garapena. Caprabo da supermerkatu bakarra Eskualdeetako Hurbiltasun Programa bat duena. Programa horrek laguntza jasotzen du Kataluniako Generalitatearen eskutik (Departament de Accio Climatica, Alimentacio i Agenda Rural) bai eta Federacio Catalana DOP-IGPren eta Federacio de Cooperatives Agraries de Catalunyaren eskutik ere. 2014an atera zutenetik, konpainia erreferentea izan da tokiko nekazaritzako elikagaien ekonomia babesteko, kontsumitzaileen eskura jarri baitu eskualde bakoitzeko onena.

Beste aitortza bat gure frankizia ereduari

Ospatzeko aitzakia bikoitza dugu; izan ere, urteko Frankiziatzailerik Onenaren saria eman digute, orain berriki, 2024ko Espainiako Frankizien Sariketan, Espainiako Frankiziatzaileen Elkarteak antolatzen duen horretan. Baina hori ez da guztia, zeren eta Pablo Higuero gure frankizia hartzaileak ere atera du urteko Frankiziaturik Onenarena, elikaduraren kategorian.

Sariok aitortza bat dakarte: guk dugun konpromisoa gure frankizia hartzaileak etengabe babestuta eta aholkatuta egon daitezen, eta, era berean, gure frankizia erako denda sarean egiten dugun kudeaketa bikaina. Gure frankizia eredua seigarrenez saritu dute; nazioartean prestigioa duen sariketa da, gainera. Horren helburua da balioan jartzea eta aitortzea negozio modalitate honetan dihardutenek egiten duten lana.

“Frankizia eredu oso lehiakorra eta errentagarria eskaintzen dugu; ildo horretan, lagungarri suertatzen da EROSKIk eta frankizia hartzaileek duten harreman estua”.

Iaz, 53 frankizia inauguratu genituen, eta aurreko urteetan bezala eutsi genion frankizien irekiera erritmo sendoari, izan ere, 300 inauguraziotik gora egin baititugu bost urte honetan. 2025erako, berriz, beste 54 irekiko ditugula iragartzen dugu. “Frankizia eredu oso lehiakorra eta errentagarria eskaintzen dugu; ildo horretan, lagungarri suertatzen da EROSKIk eta frankizia hartzaileek duten harreman estua“. Eredu horrek jarduera handia sorrarazten du bezeroekin eratzen den harreman sakonaren bitartez. Ondorioz, saltzailea bera da negozioaren kudeatzailea; haatik, ez dago bakarrik: atzetik ditu esperientzia handiko profesionalen laguntza eta EROSKI markak ematen duen konfiantza.

Basque Food Clusterren eskutik, hornitzaileei lagun egiteko dugun programa indartu dugu FOODESG proiektuarekin

Beste pauso bat eman dugu iraunkortasunarekin dugun konpromisoan eta tokiko gure hornitzaileei ematen diegun bultzadan, nola eta FOODESG proiektua aterata, Basque Food Clusterren eskutik. Ekimen hori “Hornitzaileei Lagun Egiteko Programaren” barruan dago, eta horren helburua da sektoreko enpresa txiki eta ertainei laguntzea iraunkortasunaren arloan etorkizunean egongo diren lege eskakizunetara egokitzen.

Lagun egiteko dugun programak tokiko hornitzaileak gidatuko ditu iraunkortasunarekin ikustekoa duten zenbait prozedura jar ditzaten. Horietako ehuneko handi bat enpresa txiki eta ertainak dira, oraindik ez daudenak prest etorriko diren erregulazioak betetzeko. Informazioa eta formazioa zein arlotan eskain dezakegun identifikatzeko, galdetegi bat banatuko da giltzarri diren zenbait gairi heltzen diena, hala nola elikadura, nutrizio kalitatea, kalitate komertziala, ingurumen arloko kalitatea, kalitate soziala eta gobernantza. Erantzunetatik abiatuta, hornitzaile bakoitzak txosten pertsonalizatu bat jasoko du bere balorazioarekin, sektorekako konparazioak, hobekuntza eremuak eta ekarpenak.

“Proiektu horrekin, asmoa da estrategia eta praktika efektiboak ezartzea elikadura katean hobekuntzak lortzeko ingurumenaren, gizartearen eta gobernu korporatiboaren aldetik”.

Programaren hurrengo fasea prestakuntzarena da, eta puntu horretan sortu zen FOODESG proiektua. Ekimen berri horren bitartez, estrategia eta praktika efektiboak ezartzea bilatzen dugu elikadura katean hobekuntzak lortzeko ingurumenaren, gizartearen eta gobernantzaren aldetik. Horretarako, enpresa txiki eta ertainei lagun egiteko plan bat ezarriko dugu beren estrategiarako autodiagnostikoan, prestakuntzan eta errepide orrien garapenean oinarrituta, zeinak modua emango baitie ekintza eta proiektu jakinak aktibatzeko.

Jarraitzen dugu elkarrekin aurrera egiten iraunkortasunean eta etengabeko hobekuntzan.

Gure hornitzaileen balorazioa hobetu egin da 2024an: kudeaketan eta lankidetzan egin ditugun aurrerapenak nabarmentzen dituzte

“Voice of the Consumer 2024” (Kontsumitzaileen ahotsa 2024) izeneko txostenak Advantage Insights aholkularitza enpresak egiten duenak, hobekuntza bat nabarmentzen du EROSKIren eta hornitzaileen harremanean: hornitzaileek positiboki baloratu baitituzte harremanaren eta lankidetza prozesuen kudeaketa eta hobekuntza. Azterketa horretarako, inkestak egin dizkiete Espainian eta Portugalen kontsumo handiaren sektorean diharduten 637 hornitzaileri eta lurrindegiri, eta giltzarri diren eremuak eta hobekuntza aukerak identifikatu dituzte. Horretaz gainera, 2024an, salmenta puntuan dagoen esperientzia baloratzeko neurketa berriak sartu dituzte.

“Ebaluazio orokorrean, lehiakorrak agertu gara, beste retailer batzuekin konparatuta”.

30 errendimendu adierazlerekin baino gehiagorekin ebaluatu ondoren, aurrerapen nagusiak, geure hornitzaileen iritzian, batez ere logistikan, trade marketinean eta zerbitzuaren kalitatean egin ditugu. Ebaluazio orokorrean, lehiakorrak agertu gara, beste retailer batzuekin konparatuta.

Zuen iritzia giltzarri da beti gure harreman komertziala optimizatzeko eta merkatuan dugun lehiakortasuna indartzeko orduan.

Eguberrietako 2024ko erosketak %16 handitu dira, eta premium erako produktu gehiago erosi dituzte

Eguberrietako 2024ko erosketak gure saltokietan %16ko hazkundea izan dute batez beste aurreko urtearekin alderatuta, nahiz eta erosteko maiztasuna apaldu egin den. Kontsumitzaileek unitate gehiago erosi zituzten erosketa aldi bakoitzean, eta premium erako produktuen aldeko hautua egin zuten gehiago, hala nola garagardo bereziak, oliba olioak eta kalitate handiagoko arrain kontserbak.

Salmenta bolumenik handieneko kategoriak, berriz, Eguberrietako produktuak, harategikoak eta frutategikoak izan ziren. Nabarmentzekoa da arrain produktuek harturiko garrantzia, bai arrandegikoek eta bai ontziratuek. Horretaz gainera, kontsumitzaileek fabrikatzaile marken aldeko joera handiagoa erakutsi zuten.

“Eguberrietako erosketak hipermerkatuetan kontzentratu ziren gehiago, eta aurreko urteetan baino gehiago atzeratu ziren”.

Erretiratuen populazioak handitu zuen gehienbat gastua Eguberrietako kategorietan. Ume koskortuak dituzten familiak berriz lider izan ziren kontsumo osoa hartuta. Era berean, hipermerkatuetan erosketa gehiago egin zituzten supermerkatuetan eta online kanaletan baino.

Azken lau urteetan, Eguberrietako erosketak gehien atzeratu dituzten urtea izan da 2024a, eta abenduan salmenta handiagoak izan dira aurreko hilabeteetan baino. Erosketa planifikatzeko modua eta ohiturak aldatzen ari dira oraindik ere, eta hori erronka eta aukera da aldi berean, eskaintza egokitu egin behar baita kontsumitzaileen beharretara.

Caprabok irabazi du Kataluniako merkatuan proiekziorik onena duen frankiziaren saria

Caprabo Kataluniako merkatuan proiekziorik onena duen frankiziatzat aitortu dute Kataluniako Frankizien VI. Sariketan. Sariok Kataluniako Frankizien Elkarteak ematen ditu. Honela aitortu diote, hain zuzen: “Haren frankizia ereduak konbinatu egiten ditu enpresaren eraginkortasuna eta lurraldean dituen erro sakonak“.

2011tik, Caprabok tokiko produktuak bultzatzen dituen hurbiltasuneko formatua garatu du; Kataluniako eskualdeen garapen ekonomikoa sustatzen du, eta kontsumitzaileen beharrei erantzuten die, espero duten eskaintzara eta kalitatera egokitzen baita.

“Capraboren frankizia erako supermerkatuek belaunaldi berriko diseinua dute. Horri esker, bete-beteko erosketa egin daiteke, merkatuan metro koadroko dagoen sortarik zabalenetakoa baitu.

Capraboren frankizia erako supermerkatuek asteko egun guztietan irekitzen dute. Belaunaldi berriko diseinua dute, eta, horri esker, bete-beteko erosketa egin daiteke, merkatuan metro koadroko dagoen sortarik zabalenetakoa baitu. Ikuspegi bereizgarri horrek modua eman dio merkatuan erreferente gisa kokatzeko.