BOLOVEGAN

Europako nekazaritzako elikagaien sektorearen berrikuntzarako RIS Straight to Market (RIS S2M) proiektuaren helburua da tokiko enpresa txiki eta ertainei, enpresa berriei eta hedatzen ari diren enpresei laguntzea, merkatu nagusietara elikagai berriak eraman ditzaten, edo nutrizioaren edo jasangarritasunaren ikuspegitik asko hobetutakoak. Proiektuaren helburua merkatura eta kontsumitzaileekiko konpromisora irmoki orientatua dago.

EIT Food, erakundeak kofinantzatzen du Europako Berrikuntza eta Teknologia Institutuaren (European Institute of Innovation and Technology – EIT) laguntzarekin, zeina Europar Batasunaren erakunde bat baita. EIT Food da elikagai-sektorearen berrikuntzarako Europako ekimen nagusia, eta elikadura-sistema jasangarriagoa, osasungarriagoa eta fidagarriagoa izan dadin ari da lanean.

Proiektuak 8 hilabeteko iraupena du eta honetan datza: Jakion enpresak tomate-saltsa boloniar berri bat garatzea, kontsumitzailearen nutrizio- eta osasun-egoera hobetzen lagunduko duena, ez baitu azukre erantsirik izango, eta gatz-eduki minimoa baino ez. Horrela, gainera, Espainiako osasun-sistemaren gaineko presioa murrizten lagunduko du. Saltsa horrek osagai osasungarriak izango ditu, eta landare-jatorriko eta etiketa garbiko elikagaien joerari jarraituko dio (gehigarririk, kontserbagarririk eta koloratzailerik gabeak). Horren emaitza tomate saltsa berri bat izango da, merkatuan dauden saltsekin alderatuta askoz osasungarriagoa kontsumitzailearentzat.