EROSKI Taldeak bat egin du Dibertsitatearen Aldeko Gutunarekin; Espainian bultzatzen den ekimen bat, Dibertsitate Funtzionala dutenen alde, eta Europako Batzordeak lagundua, zeinak 1.600 erakunde baino gehiago biltzen dituen berdintasuna, dibertsitatea eta inklusioa lan ingurunean sustatzearekin konprometituak.

Atxikipena uztailean formalizatuta, EROSKI Taldeak borondatez hartu ditu bere gain gutuneko hamar printzipioak; hala, dibertsitatea, ekitatea eta inklusioa bere estrategian, kulturan eta eguneroko jardunean era transbertsalean bateratzeko borondatea indartu du.

Konpromiso horrek lotura du EROSKI Taldearen Dibertsitate, Ekitate eta Inklusio planarekin, eta jarraipena ematen dio lehendik dakarren enpresa ereduari, hau da, pertsonak zentroan jartzea, aukera berdintasuna sustatzea eta bazterkeria mota orori aurrea hartzea. EROSKI Taldearen Berdintasun, Dibertsitate eta Inklusio politikak esparru bat ezartzen du printzipio horiek erakunde osoan bultzatzeko eta bere balio katera hedatzeko.

Atxikipena, gainera, bat dator gutunaren beraren bilakaerarekin. 2026ko urriaren 1arekin, eguneratu egin dira hamar printzipioak, zertarako eta dibertsitatearen, ekitatearen eta inklusioaren gaur egungo erronkei erantzuteko. Horretarako, erreferentziatzat hartuko dira Europar Batasunak dibertsitatearen alde atera izan dituen gutunetako balioak eta oinarriak.

Berritasunen artean, hiru alor datoz lehen aldiz espresuki aipatuak: irisgarritasun unibertsala; osasun mentalaren babesa eta lan espazio seguruen sorrera; eta adimen artifizialaren erabilera arduratsu, seguru, garden eta inklusiboaren erabilera, gizakiaren ikuskaritzarekin eta baztertzaileak izan daitezkeen eraginen prebentzioarekin.

Eredu kooperatiboarekin lotutako konpromisoa

Gutunera atxikiz, are gehiago indartu dira EROSKI Taldearen kudeaketa gidatzen duten printzipioak. Berdintasun, Dibertsitate eta Inklusio Politiketan, besteak beste, badakartza aukera berdintasuna, ingurune inklusiboen sorrera, irisgarritasuna, sentsibilizazioa, partaidetza, hobekuntza etengabea eta enpresa hornitzaileekiko eta konpromisook partekatzen dituztenekiko lankidetza.

EROSKI Taldearen kultura korporatiboan ere barneratzen da ikuspegia, zeina oinarritua baitago kooperazioan, partaidetzan, konfiantzan eta ekonomiaren, gizartearen eta ingurumenaren alorreko erantzukizunean. Politika korporatiboak zera ezartzen du, barne eta kanpo komunikazioak informazio zorrotz, erabilgarri eta inklusiboan babestu behar duela, eta ongizateari, garapen profesionalari eta pertenentzia sentimenduari lagundu behar diola.

“Dibertsitatearen Aldeko Gutunarekiko atxikipenak indartu egiten du gure nortasun kooperatiboaren parte den konpromiso bat: erakunde bat eraikitzea non denek aurkitzen dituzten aukerak parte hartzeko, garatzeko eta beren talentutik ekarpenak egiteko. Dibertsitateak hobeto entzuten laguntzen digu, bai eta gure erabakiak aberasten eta inklusiboago eta gizartearekiko konektatuago dagoen enpresa baterantz egiten“, esan du Jose Maria Cabanillas Pradok, Plataformetako Pertsonen zuzendaria bera EROSKI Taldean.

Hamar printzipio, dibertsitaterantz, ekitaterantz eta inklusiorantz egiteko

Gutunaren formulazio berriak hamar printzipio hauen bueltan artikulatzen du erakunde sinatzaileen konpromisoa:

1. DEI estrategia. Erakundearen estrategian dibertsitatea, ekitatea eta inklusioa bateratzea, errealitatea aztertuta, ekintza planak sortuta eta zuzendaritzaren babes aktiboarekin kontatuta.
2. Askotariko lantaldea. Profesionalei tratu eta aukera berak ematen zaizkiela sustatzea, talentua balioetsiz, edozein direlarik ere baldintza edo zirkunstantzia pertsonal eta sozialak.
3. Sentsibilizazioa eta lidergo inklusiboa. Joerak eta estereotipoak identifikatzeko arreta berezia jartzea eta barne kultura indartuko duen lidergo inklusibo bat garatzea.
4. 360 graduko inklusioa. Dibertsitatea, ekitatea eta inklusioa sustatzea enpresa hornitzaileetan, bezeroetan eta erakunde kolaboratzaileetan, eta bezeroen dibertsitatea aintzat hartuko duten produktu eta zerbitzuak diseinatzea.
5. Irisgarritasun unibertsala. Trabak kentzea eta saiatzea denontzako erabiltzeko eta ulertzeko modukoak izan daitezela espazioak, instalakuntzak, tresna digitalak, produktuak, zerbitzuak eta komunikazio kanalak.
6. Osasun mentala eta espazio seguruak. Lan ingurune seguruak sortzea non osasun fisiko eta mentala zainduko den eta kontziliazioa, erantzukidetasuna eta segurtasun psikologikoa sustatuko diren.
7. Adimen artifizial arduratsu eta inklusiboa. Adimen artifiziala era arduratsuan, seguruan, gardenean eta inklusiboan erabiltzea, gizakiaren ikuskaritzarekin eta baztertzaileak edo pertsonen eskubideen kontrakoak diren eraginen prebentzioarekin.
8. Neurketak eta helburuak. Maiztasunez neurtzea dibertsitatearen ekitatearen eta inklusioaren aurrerapenak, eta adierazleak eta helburuak zehaztea etengabeko hobekuntza ziurtatzeko.
9. Komunikazioa eta gardentasuna. Konpromisoak, aurrerapenak eta emaitzak era gardenean komunikatzea, bai barne mailan eta bai gizarte mailan, kontuak emateko eta konfiantza sorrarazteko.
10. Komunitatea eta aliantzak. Beste erakunde batzuk gonbidatzea gutunarekin bat egitera eta beren komunitatean aktiboki parte hartzera, elkarrekin ikasteko, ezagutzak partekatzeko eta jardunbide onak hedatzeko.

Dibertsitatearen Aldeko Gutunarekin bat eginda, EROSKI Taldeak berretsi egin du konprometitua dagoela enpresa kultura jakin batekin, zeina oinarritzen baita aukera berdintasunean, dibertsitatearen errespetuan eta pertsona guztien inklusioan.