EROSKIk eta Saski Baskoniak 2010etik sendotutako lankidetza-harremana urtebetez berritu dute. Aliantza honen helburua bizitza aktibo eta osasungarria elkarrekin sustatzea da, orain arte bezala kanpainak eta ekimenak garatuz: jarduera fisikoa, oinarrizko kirola, osasuna eta elikadura zaintzea, eta tokikoaren aldeko apustua indartzea. Sinadura honi esker, zaleek Buesa Arenako kantxan antolatzen diren ekintzez gozatzen jarraituko dute, hala nola partiden atsedenaldietan egiten den saskiratze lehiaketaz, zeinaren saria 150 €-ko Eroski saski bat den, baita klubeko jokalariekin lotutako bestelako sustapen-ekintzez ere, dendetan egiten diren topaketak eta autografo-sinaketez.

Akordioaren sinadurako argazkian izan dira Zulima Valdivielso, Eroskiko supermerkatuen salmenta arduradun erregionala, eta Manu Díaz de Tuesta, Baskoniako enpresa-arloaren kudeaketako sales managerra. “Oso pozik gaude klub handi honekin lanean jarraitzeaz, osasunarekin, kirolarekin eta tokikoarekin lotutako balioak partekatuz. Zalantzarik gabe, Arabako lurraldean erreferente den erakundea da, ongizatearekin konprometitua, eta beti prest dago EROSKIrekin gizartean eragin positiboa duten ekintzak egiteko; horregatik eskerrak eman nahi dizkiegu bihotzez”, nabarmendu du Zulima Valdiviesiok ekitaldian.

Bere aldetik, Manu Díaz de Tuestak azpimarratu du: “Kosner Baskoniarentzat harrotasun handia da EROSKIrekin dugun bidea beste urte batez berritzea, gure lurraldean bizimodu osasungarriak sustatzeko eta kirola bultzatzeko funtsezko aliatua baita. Ahalegina, gertutasuna eta gizartearekiko konpromisoa bezalako balioak partekatzen ditugu, eta akordio honek saskibaloia eta gure ekimenak zaleengana gerturatzen jarraitzeko aukera ematen digu. Ziur gaude, elkarrekin, esperientzia zirraragarriak sortzen eta gure komunitatean eragin positiboa izaten jarraituko dugula.”