EROSKI reforzou durante o último exercicio 2025 o seu Programa de Acompañamento a Provedores, alcanzando un total de 4.500 horas de formación en materias ambientais, sociais e de gobernanza (ASG), impartidas grazas á colaboración cos clústeres agroalimentarios locais e o Pacto Mundial. No marco deste programa, a cooperativa diagnosticou xa a 394 provedores, que recibiron un informe individualizado cos seus aspectos diferenciais e áreas de mellora, consolidando así unha iniciativa orientada a fortalecer a competitividade e sustentabilidade do tecido produtivo da súa contorna.

O Programa de Acompañamento constitúe unha das principais iniciativas de EROSKI para impulsar un modelo de colaboración responsable cos seus provedores, especialmente pequenos produtores agroalimentarios. A través desta iniciativa, a cooperativa ofrece ferramentas prácticas e formación especializada que permiten ás empresas avanzar en ámbitos crave como a redución do impacto ambiental, a eficiencia de procesos, a xestión responsable ou a adaptación a novas esixencias normativas.

Durante 2025, ademais das sesións formativas presenciais e online, EROSKI reforzou a difusión de coñecemento mediante newsletters trimestrais dirixidas aos seus provedores, a través das cales se compartiron máis de 90 iniciativas de capacitación dispoñibles nos distintos territorios.

O incremento das horas de formación impartidas, que alcanzan as 4.500, reflicte a aposta da compañía cooperativista por ir máis aló do diagnóstico e avanzar cara a un acompañamento efectivo, estruturado e continuo, facilitando que os seus provedores integren a sustentabilidade como un eixo estratéxico da súa actividade.

“En EROSKI entendemos a sustentabilidade como un traballo conxunto ao longo de toda a cadea de valor. No diálogo cos nosos provedores, especialmente cos produtores locais, vemos que adaptarse a novas esixencias ambientais, sociais e de gobernanza supón un reto importante. Co Programa de Acompañamento queremos estar ao seu lado, axudarlles a diagnosticarse e reforzar as súas capacidades para avanzar desde a mellora continua. As 4.500 horas de formación impartidas este ano reflicten ese compromiso real de crecer xuntos cara a un modelo alimentario máis sostible”, sinala Cristina Rodríguez Domingo, responsable de Sustentabilidade de EROSKI.

Implantación territorial e colaboración co ecosistema local

O despregamento do Programa articúlase de forma diferenciada en cada territorio, adaptando a folla de ruta formativa ás necesidades detectadas nas empresas provedoras. Así, contamos xa con 103 provedores diagnosticados no País Vasco, onde naceu a iniciativa en 2022, 181 empresas do ámbito de VEGALSA-EROSKI en Galicia; e 55 en Navarra e Aragón, respectivamente. As accións de capacitación, as formacións especializadas e as newsletters trimestrais compártense con todas as empresas provedoras locais de cada territorio, reforzando a sustentabilidade no conxunto da cadea de valor.

A colaboración cos clústeres agroalimentarios permitiu desenvolver contidos especializados en ámbitos como a pegada de carbono, o ecodiseño de envases, a economía circular, a gobernanza climática ou a adaptación a novas normativas en materia de desperdicio alimentario e reporte sostible. Así, EROSKI reforzou o seu papel como empresa tractora en iniciativas colectivas como os programas PROALIS e PROALIS CARBON desenvolvidos xunto a Clusaga en Galicia, o proxecto FoodESG co Basque Food Cluster en País Vasco ou o programa de formación sobre sustentabilidade para o sector agroalimentario de NAGRIFOOD en Navarra, orientados a facilitar capacitación e ferramentas prácticas para a xestión e o reporte en sustentabilidade.

En Aragón, a cooperativa deu un paso adicional mediante un acordo coa Asociación de Industrias Alimentarias de Aragón para impulsar novas accións de capacitación ao longo de 2026, consolidando así un modelo de acompañamento continuado e aliñado coas necesidades reais da cadea de valor.