EROSKI incorpora a primeira referencia de atún claro en conserva en aceite de oliva con Certificado Marine Stewardship Council de marca propia

EROSKI incorporou á súa oferta de peixe sustentable unha nova referencia de atún claro en conserva en aceite de oliva de marca propia con certificación Marine Stewardship Council (MSC) de pesca sustentable, que garante a saúde da poboación de especies capturadas, o impacto positivo da pesqueira no ecosistema mariño e a efectividade da súa xestión. Trátase da primeira conserva de atún rabil (Thunnus albacares), popularmente coñecido como atún claro, baixo marca distribuidor do mercado español.

Este atún comercialízase baixo a marca EROSKI en estoxo de 3 unidades de cartón reciclable cun peso total de 276 gramos netos. Este novo atún claro en conserva en aceite de oliva de EROSKI baixo o selo azul de ‘MSC’ xa está dispoñible en toda a súa rede comercial e a través do seu supermercado en liña.

O atún claro é recoñecido pola súa textura suave, sabor delicado e os seus beneficios nutricionais, pois é unha excelente fonte de proteínas de alta calidade, omega 3, vitaminas e minerais. Grazas ao aceite de oliva co que se conserva, o produto ofrece un sabor equilibrado e enriquécese coas propiedades saudables deste aceite, especialmente coñecido polos seus beneficios para a saúde cardiovascular.

Entre os beneficios de elixir o atún claro en conserva en aceite de oliva de EROSKI co selo azul de ‘MSC’, cómpre salientar os seguintes: a súa alta calidade nutricional, que achega nutrientes esenciais que contribúen á saúde do corazón e do cerebro; o aceite de oliva, ingrediente clave na dieta mediterránea polas súas propiedades saudables; que provén dunha pesca sustentable e responsable; e mais a súa versatilidade na cociña, pois é perfecto para unha ampla variedade de receitas.

“EROSKI está comprometida desde sempre coa saúde e benestar dos consumidores, e ofrece produtos que non só cumpren cos máis altos estándares de calidade, senón que tamén apoian unha alimentación equilibrada e deliciosa. O atún claro en conserva en aceite de oliva co selo azul de ‘MSC’ é un claro exemplo do esforzo da organización por ofrecer alimentos saudables, sostibles e respectuosos co medio natural”, afirma Carmen Guelbenzu, directora comercial de área.

“Con esta incorporación EROSKI reforza o seu compromiso coa pesca sostible e MSC. Esta conserva de atún claro co Selo Azul de MSC, preséntase como a primeira proposta baixo marca distribuidor do mercado español, establecendo un importante fito que esperamos que axiña sexa seguido polos outros distribuidores do mercado español”, comenta o responsable sénior comercial de MSC España e Portugal, Alberto Garazo.

Política Sustentable de EROSKI

Con este novo produto, EROSKI incrementa a súa marca propia certificada en pesca sostible MSC, ofrecendo preto de 40 produtos con este selo sostible. Entre eles figuran o bonito MSC Seleqtia, a anchoa do Cantábrico MSC Natur, o bonito Natur MSC, o filete de pescada EROSKI, divinas do mar Basic ou os lombos de bacallau EROSKI.

A incorporación de produtos pesqueiros certificados é un dos principios que sostén a Política de Pesca Sostible de EROSKI. Neste sentido, no 2023 a empresa foi galardoada por MSC (Marine Stewardship Council) co Premio Mares Para Sempre 2023 e no 2022 na categoría ‘Peixerías Certificadas MSC’, polo seu labor pioneiro no fresco por xunto con Selo Azul, actividade moi vinculada á frota vasca certificada. A cadea de custodia MSC abrangue 461 mostradores de peixería nas insignias EROSKI e Caprabo e 8 plataformas loxísticas, unha aposta que se mantivo mesmo nun contexto de pandemia que tantos retos supuxo nesta categoría.

A acreditación de pesca sostible ‘MSC’ audita o caladoiro e mais as empresas implicadas en todo o proceso de manipulación do peixe, de xeito que se garanten a rastrexabilidade e as boas prácticas en toda a cadea de custodia. Os factores que ‘MSC’ ten en conta para distinguir unha pesqueira coa ecoetiqueta azul son a situación do stock (saúde, cantidade de peixe e sustentabilidade), o impacto no medio natural (capturas accidentais doutras especies, aves que morren durante a pesca e impacto sobre o fondo mariño) e a xestión do proceso integral, desde a captura ata o mostrador da peixería.

Sobre Marine Stewardship Council (MSC)

É unha organización internacional sen ánimo de lucro que establece unha serie de estándares, mundialmente recoñecidos, en materia de pesca sostible e cadea de custodia de produtos pesqueiros. As pesqueiras que participan no seu programa de certificación representan un 19% das capturas mundiais que se realizan no mar. ‘MSC’ opera o único programa de ecoetiquetado para pesqueiras de captura salvaxe consistente co Código de Boas Prácticas de ISEAL para a Fixación de Estándares Sociais e Medioambientais. Estas directrices baséanse no Código de Conduta de FAO para a Pesca Responsable.

Sobre EROSKI

EROSKI é o primeiro grupo de distribución de carácter cooperativo de España e un dos líderes do norte do mercado español —desde Galicia a Baleares— cunha cota de mercado do 12,8% nesa zona; é líder no País Vasco, en Navarra e en Galicia e colíder en Baleares. A súa rede comercial, a peche do 2023, elévase a 1.533 establecementos, entre supermercados, hipermercados, cash & carry e supermercados en liña; conta ademais con gasolineiras, tendas de deporte e outros negocios non alimentarios.