Os fogares españois incrementan arredor dun 30 % o seu gasto en alimentación durante o Nadal, segundo EROSKI. Este aumento, que se traduce nun desembolso adicional medio de 120 euros por fogar, explícase por unha maior frecuencia de compra (11 visitas fronte a 10 de media mensual) e polo peso crecente das categorías tipicamente de Nadal, como bombóns, peixes e mariscos frescos e conxelados e bebidas, destacando espumosos e viños con Denominación de Orixe. Os datos mantéñense estables respecto ao ano anterior.

Comparativa por comunidades autónomas e tipoloxía de familia

Segundo EROSKI existen diferenzas no gasto adicional entre comunidades autónomas. País Vasco e Madrid lideran o crecemento cun aumento do 37 %, seguidas moi de preto por Castela-A Mancha (+36 %).

Aínda que todas as familias incrementan o seu gasto nestas datas, non todas invisten o seu orzamento da mesma maneira: as persoas sénior aumentan un 40 % os seus gastos e destínanos a produtos frescos e de alimentación, confirmándose que son quen exercen como principais anfitrioas durante as festas.

En canto aos fogares máis novos, duplican ou triplican o seu gasto en produtos de non alimentación, sobre todo en categorías como xoguetes, consolas e videoxogos.

 

Categorías de Nadal: as protagonistas do carro

Casi a metade do gasto en decembro —un 46 %— destínase a produtos tipicamente de Nadal, que se converten nos grandes protagonistas da cesta da compra. Entre os produtos máis demandados e con maior incremento nas compras por tenda e día en decembro figuran: turróns, bombóns e doces típicos (x8); charcutaría, como os ibéricos (x3); cavas, viños e outras bebidas (x3); peixe e marisco fresco ou conxelado (x2) e carnes selectas como año e vacún (x2).

Os hipermercados consolidan a súa posición como canle preferida para as compras de Nadal. É onde os consumidores realizan un maior gasto durante este período (+18 %), e tamén onde máis medran o número de cestas e visitas (+20 %), cun aumento do 4 % nas vendas e un ticket medio un 20 % superior ao do resto do ano.

 

Investimentos e promocións para o aforro familiar

En resposta ás necesidades dos seus clientes, EROSKI investirá 44 millóns de euros en promocións especiais este Nadal. A campaña “Feliz cesta propia” incluirá descontos importantes en máis de 100 produtos estrela, como peixes, carnes, conservas, froitos secos, cavas, viños e doces. Ademais, lanzaranse ofertas como a segunda unidade ao 70 % en 2.000 produtos, cupóns personalizados e promocións sorpresa. Hoxe, un 29 % das súas vendas corresponde a produtos de marca propia, unha gama que se consolida como opción de confianza tamén no Nadal pola súa excelente relación calidade-prezo e a súa evolución constante cara a alternativas máis saudables e locais.

Tendencias e perspectivas para o Nadal 2025

O Banco de España sinala que a confianza do consumidor segue en aumento, o que augura un período de Nadal de maior dinamismo no consumo.

Desde 2021 obsérvase unha tendencia a atrasar as compras das categorías de Nadal. En 2023 esta dinámica corrixiuse lixeiramente, aínda sen volver aos niveis anteriores. En 2024 apréciase un cambio máis claro, cun maior peso das compras realizadas en outubro respecto a anos anteriores (+1 pp), aínda que decembro continúa concentrando preto do 50 % do gasto en produtos de Nadal.

“Este ano observamos un comportamento de compra máis planificado, cunha clientela que compara, anticipa e busca aproveitar ao máximo as promocións”, explica Beatriz Santos, directora comercial do Grupo EROSKI. “Aínda que a inflación se moderou respecto aos últimos exercicios, o aforro segue sendo unha prioridade. Por iso reforzamos a nosa proposta con máis ofertas directas e cupóns personalizados, para que as familias poidan gozar do Nadal sen renunciar á calidade nin aos produtos que máis lles gustan.”

Con esta estratexia, EROSKI reforza o seu papel como aliado clave para os fogares españois, ofrecendo unha experiencia de compra completa que combina calidade, aforro e proximidade.