EROSKI recibiu cinco premios nos galardóns internacionais «Salute to Excellence Awards 2026», organizados pola Private Label Manufacturers Association (PLMA), un dos certames de referencia mundial no ámbito da marca propia e que se celebrou recentemente en Ámsterdam.

Os produtos que recibiron os galardóns foron o Turrón de Alacant SELEQTIA 300 g, premiado na categoría de Sobremesas; o Aceite de oliva virxe extra en spray EROSKI 200 ml, na categoría de Aceites de oliva; o Vino Fino Hegemonía Mayor 0,75 l D.O. Montilla-Moriles, recoñecido como «Best Value» na categoría de viños doces e xenerosos; o Ambientador para armarios Baby EROSKI, na categoría de Cociña e fogar; e o Polbo cocido no seu zume EROSKI 250 g, premiado na categoría de Peixes e mariscos.

O xurado internacional valorou aspectos como a calidade do produto, o sabor, a innovación, a presentación, o packaging e a relación calidade-prezo, salientando sobre todo a calidade percibida, a execución dos produtos e o atractivo das súas propostas comerciais. Con estes galardóns, a cooperativa suma preto de 50 premios nos PLMA Salute to Excellence Awards durante a última década.

A traxectoria de EROSKI nestes galardóns reflicte a súa aposta por unha marca propia innovadora, diferencial e adaptada ás novas necesidades das persoas consumidoras, con propostas que combinan calidade, conveniencia e unha relación calidade-prezo competitiva. Nun contexto que está marcado por unha maior sensibilidade ao gasto e unha compra máis racional, a marca propia segue a gañar protagonismo na cesta da compra como unha das principais ferramentas de aforro para as familias.

«A marca propia é un eixe estratéxico para EROSKI porque nos permite ofrecer produtos innovadores, de calidade e a prezos competitivos, adaptados ás necesidades reais da nosa clientela. Este recoñecemento internacional salienta o traballo conxunto que realizamos cos nosos provedores para desenvolver propostas diferenciais que acheguen valor, calidade e aforro ás familias», destaca Beatriz Santos, directora comercial de EROSKI.

A marca propia é un dos piares estratéxicos do modelo comercial de EROSKI e un elemento clave de diferenciación, xunto coa aposta pola alimentación saudable, os produtos frescos e locais e a innovación orientada a mellorar a experiencia de compra. Con esta proposta, a cooperativa pretende reforzar a fidelidade e responder a unha clientela cada vez máis esixente e sensible ao valor, á calidade e ao aforro.