EROSKI lanza un Venture Program para construír solucións innovadoras sobre os retos do sector

EROSKI aposta pola innovación aberta como motor para ofrecer as mellores solucións aos retos do negocio. Para iso bota a andar EROSKI Venture Program co fin de poñer en marcha a emprendizaxe corporativa mediante a conceptualización e a validación de solucións innovadoras a través da aplicación de metodoloxías disruptivas para a xeración de novos modelos de negocio.

Trátase dun programa dirixido a startups, emprendedores e proxectos que estean traballando no desenvolvemento de solucións que lles dean resposta aos retos actuais e futuros do sector e que se sustenten en novas tecnoloxías rapidamente escalables que se poidan complementar coas capacidades, procesos e outros activos físicos ou dixitais de EROSKI.

“EROSKI Venture Program representa un punto de entrada e de crecemento para que os emprendedores lancen, aceleren e escalen as súas solucións xunto a un dos grupos de distribución polo miúdo de bens e servizos de gran consumo de carácter cooperativo máis grande de Europa e referente do sector”, explicou o director de Innovación e Desenvolvemento Dixital de EROSKI, David Sánchez.

Pola súa metodoloxía e enfoque a resultados, o programa ofrece a oportunidade de traballar a creación de novos modelos de negocio. Igualmente, axudará ao emprendedor a aumentar a súa rede de contactos a través da rede e mapa de relacións de EROSKI e acompañarao no proceso mediante unha monitorización continua e un roadmap personalizado aos seus obxectivos. Ademais, o programa ofrece un Demo Day durante o que o tecido emprendedor poderá presentar as súas solucións e recibir a opinión, suxestións e impresións de investidores, institucións e empresas referentes do sector.

Convocatoria aberta ata mediados de xullo

Os emprendedores e startups interesados en participaren no programa teñen de prazo ata o 17 de xullo para presentaren as súas propostas a través da web. Previamente, o programa presentarase o 4 de xullo na Torre BAT. O 26 de xullo daranse a coñecer os proxectos seleccionados.

“Este programa permitiralle a EROSKI posicionarse como referente no mundo do emprendemento. Aínda que esta primeira edición terá un enfoque estatal, a intención é que posteriormente, co desenvolvemento de proxectos e iniciativas, o seu alcance sexa internacional. Deste xeito chegará a contornos máis dinámicos e avanzados no tocante á emprendizaxe para atraer as mellores solucións”, afirmou David Sánchez.