O verán modifica a forma de comprar das familias españolas, pero non as súas prioridades. Nun contexto no que as persoas consumidoras seguen a buscar o mellor equilibrio entre calidade, frescura e prezo, o Grupo EROSKI observa que arredor de nove de cada dez fogares incorporan algún produto en promoción durante a campaña estival.

Ademais, as persoas que aproveitan estas ofertas realizan unha compra máis completa e frecuente, cun gasto medio por ticket que acada os 30,2 euros, fronte aos 16,7 euros das persoas que non compran produtos en promoción. Tamén incorporan máis artigos por compra (13 unidades fronte a 6) e realizan un maior número de visitas ao longo do verán (14 tickets fronte a 2).

Estes datos reflicten que a promoción deixou de ser unha resposta puntual a unha oferta concreta para converterse nunha ferramenta habitual de planificación da cesta. Lonxe de asociarse só a un consumidor ocasional que busca o prezo máis baixo, as promocións forman parte da estratexia dos fogares que configuran cestas máis completas e visitan con máis frecuencia os establecementos.

Neste escenario, o Grupo EROSKI mantén unha aposta sostida por trasladar o aforro ás persoas consumidoras. Durante a campaña de verán, o 30,1 % das vendas en valor efectuáronse en promoción, unha cota 11,5 puntos porcentuais por riba da media do mercado, o que reflicte unha política comercial que se centra en trasladar o aforro ás persoas consumidoras sen renunciar á calidade.

 

Unha cesta adaptada aos hábitos do verán

A campaña estival tamén transforma a composición da cesta da compra. Xunto ao protagonismo habitual das froitas e hortalizas de tempada, durante estes meses gañan relevancia as categorías vinculadas a novas ocasións de consumo, como os xeados, as bebidas refrescantes, a cervexa, as conservas de peixe ou os produtos solares. Esta evolución responde aos cambios nos hábitos das familias e leva a adaptar tanto a gama como a actividade promocional ás necesidades específicas desta época do ano.

A estratexia promocional chega de forma transversal a diferentes perfís de fogares. Aínda que as familias con fillos concentran o maior gasto en promocións durante o verán, os fogares pequenos son os que destinan unha maior proporción da súa cesta a este tipo de compras, o que confirma que o aforro constitúe unha prioridade compartida entre distintos perfís de persoas consumidoras.

«O noso obxectivo é acompañar as familias cunha proposta de valor que lles permita aforrar sen renunciar á calidade. Para conseguilo, combinamos unha política promocional continua, unha ampla oferta de marca propia, produtos frescos e de tempada e vantaxes personalizadas a través do noso programa de fidelidade, para que cada persoa poida optimizar a súa cesta da compra segundo as súas necesidades», salienta Beatriz Santos, directora comercial do Grupo EROSKI.

 

Un modelo de aforro que combina promocións, marca propia e fidelidade

A política de aforro do Grupo EROSKI baséase en diferentes pancas complementarias. Á actividade promocional súmase unha ampla oferta de produtos de marca propia, que segue a gañar peso na cesta da compra e se consolida como unha alternativa que combina calidade, innovación, alimentación saudable e aforro. Na cooperativa, a marca propia xa representa o 37,7 % das vendas en valor e o 42,8 % en unidades, e os fogares con maior afinidade por estes produtos compran con máis frecuencia e rexistran un maior gasto medio.

Esta proposta complétase cun programa de fidelidade que ofrece vantaxes personalizadas e cunha aposta decidida polos produtos frescos, de tempada e de proximidade. Ademais, durante o 2025, EROSKI incorporou 485 novas referencias á súa gama de marca propia, superando as 6.000 referencias, co obxectivo de seguir a ofrecer un produto que combina calidade, innovación e aforro. Todo isto forma parte dunha estratexia continua para ofrecer unha proposta de valor que combine aforro, calidade, innovación e unha resposta aliñada coa evolución dos hábitos de consumo.