![\"\"](\"https:\/\/corporativo.eroski.es\/wp-content\/uploads\/2025\/01\/moebios.png\")
<\/figure>\n","protected":false},"featured_media":48393,"template":"","projects-category":[],"projects-region":[],"class_list":["post-48389","projects","type-projects","status-publish","has-post-thumbnail","hentry"],"acf":[],"yoast_head":"\nMOEBIOS proiektuak bioplastikoak birziklatzeko erronkak jorratzen ditu funtsezko hiru balio katetan: plastikozko ontziak, ehun sintetikoak eta nekazaritzako hondakin plastikoak. Plastikozko ontzietan, sailkatzeko eta birziklatzeko teknologia desegokiek EBko ontzien merkatuan birziklatutako edukiaren % 6,3 soilik onartzen dute. Ehun sintetikoek mundu mailako hondakin plastiko ugari eratzen dituzte, ehun-hondakin guztien % 0,06 soilik birziklatzen baitira ehun-produktu berrietan. Nekazaritzan, kudeaketa-jardunbide okerrak gauzatuta, bioplastikoen hondakinak zabortegietan uzten dira, ingurumenean kalteak eraginez. Gainera, nekazaritzako aplikazioetan birziklatutako plastikoaren edukia % 22 baino gutxiagokoa da.<\/p>\n\n\n\n
Bioplastikoak birziklatzeko prozesu berritzaileak garatzea du helburu MOEBIOSek, balio erantsi handiko produktuak sortuta. Horren baitan dago egungo industrian birziklatzea integratzea, egungo birziklatze-metodorik gabeko bioplastikoetan zentratzea, birziklatze mekanikoan aurrera jotzea, biobirziklatzerako entzima-degradazioa hobetzea, birziklatze kimikoa optimizatzea eta eskalan egiazko industria-agertokietan oinarritutako ibilbide berriak sortzea.\r\n<\/p>\n\n\n\n
MOEBIOSek bioplastikoak birziklatzeko prozesuak industrializatzea bultzatuko du, onura handiak eraginez. Urtero bioplastiko nahasien 232.505 tona hondakin prozesatzeko aukera emango du, birziklatutako edukia produktu berrietan areagotuko du, eta jatorri biologikoko material plastikoak sailkatzeko eta birziklatzeko sistema eraginkorrak garatuko ditu. Orobat, ingurumen-emaitzak hobetuko ditu balio-katean, erreferentzia fosil edo biologikoekin alderatuta, irtenbide zirkularren onarpen soziala sustatuko du, eta birziklapena eta fabrikazioa optimizatzea bideratuko du, erabiltzailearen beharren arabera. Horrez gain, sinbiosi industrialaren konexio berriak ezarriko ditu balio-kateko hainbat eragileren artean, hiru produktu berritzaile txertatuko ditu gorantz doazen merkatuetan, hondakinen fluxuei buruzko ezagutza eratuko du eta 232.505 tona plastiko azkenean zabortegietara iristea edo erraustea saihestu egingo du, urtean berotegi-efektuko gasen 178 tona gutxiago isurtzea eraginez. Azkenik, monomero plastiko birziklatuak ekoitziko ditu, oinarri biologikoko produktuetan baliokide fosilak ordezteko.\r\n<\/p>\n\n\n\n