Kolektiborik zaurgarrienen aldeko erantzuna
EROSKI sortuz geroztik ari da elkartasun programa bat garatzen, gizarte bidezkoago eta kohesionatuago baten alde. Alde horretatik, gizarte ekintzari loturiko ekimen askotarikoak lantzen ditugu. Ezohikoa den egoera honetan, urgentziaz jardun beharra dago; hala, ekimen batzuk abiarazi ditugu kolektiborik zaugarrienei laguntzeko.
Gurutze Gorriarekin batera, dirua biltzeko kanpaina bat jarri dugu martxan supermerkatu eta hipermerkatu guztietan. Horrela, bazterketa arriskuan diren haurren eta familien elikaduran eta higienean lagunduko dugu; izan ere, lehen baino okerrago baitaude COVID-19aren krisiagatik. Aste honetan, kanpainaren aldeko kartelak jarri ditugu saltokietan, gure bezeroek elkartasuna ager dezaten eta borondatezko diru ekarpen bat egin dezaten ordainlekuetan igarotzean.
“Neurriak ezarri ditugu zenbait kolektibori lehentasuna emateko, hala nola osasun langileak, 65 urtetik gorakoak, haurdunak eta desgaitasunak dituztenak”.
EROSKIk bezeroek jartzen dutenaren beste hainbesteko ekarpen bat egingo du. Dena den, laguntza lehen egunetik martxan jartzeko, dagoeneko 50.000 euro eman ditugu haur eta familia askok jada beren eguneko beharrak estaliak izan ditzaten. Ekimenarekin biltzen den dirua osorik bideratuko da Gurutze Gorriaren bitartez.
Gainera, neurriak ezarri ditugu zenbait kolektibori lehentasuna emateko, hala nola osasun langileak, 65 urtetik gorakoak, haurdunak eta desgaitasunak dituztenak.
“Elkartasun kanpaina bat jarri dugu martxan bazterketa arriskuan diren haurren eta familien elikaduran eta higienean laguntzeko”.
65 urtetik gorakoek, haurdunek eta desgaitasunak dituztenek lehentasuna dute gure dendetan 09:00etatik 10:00etara (Balearretan 08:30etik 09:30era); izan ere, osasun agintariek diotenez, kolektiborik zaugarrienak dira. Horretaz gainera, pertsona horiek lehentasunez artatuak izango dira freskoen ataletan, hau da, arrandegian, harategian eta urdaitegian. Era berean, lehentasuna ematen dieten ordainlekuak jarri ditugu.
Akreditatuak daudela erakusten duten osasun langileek ere lehentasuna izango dute gure dendetan goizeko hamarretatik saltokiak itxi arte (20:00). Kolektibo hori egiten ari den ahalegin eskerga ikusita, lagundu egin nahi diogu. Neurri horren bidez, erosten ematen duten denbora gutxitzea da xedea, asti gehiago izan dezaten eta atseden hartzeko beta.