Hitzarmen bat egin dugu Sabeko Banaketarekin, Simply izeneko hamar supermerkatu erosteko Bizkaian. Honako udalerri hauetan daude saltokiak: bat Basaurin, bost Bilbon, bat Erandion, bat Galdakaon, bat Getxon eta beste bat Santurtzin; gutxi gorabehera, 8.500 metro koadroko azalera komertziala hartzen dute denak batuta.

Operazio horrekin, pauso handi bat eman dugu erreferentziazko operadoreak garen eskualdeetan gure presentzia indartzeko, eta postu onetan gara; esaterako, Euskal Autonomia Erkidegoan.

Merkatuen eta Lehiaren Espainiako Batzordeak baimendu egin du hasierako fasean operazioa. Gaur egun, dendak izenez aldatzeko egutegi bat prestatzen ari gara, aintzat harturik COVID-19aren krisiak eragin duen gaur egungo ezohiko egoera. Supermerkatuak eskualdatzen ditugunean, gure asmoa da dendak berritzea eta Zurekin eredura egokitzea; hala, elikadura osasungarria eta iraunkorra sustatuko ditugu, ardatza tokian tokiko produktuetan eta sasoian sasoiko freskoetan ipinita eta arreta pertsonalagoa emanda.

“Operazio horrekin, pauso handi bat eman dugu erreferentziazko operadoreak garen eskualdeetan gure presentzia indartzeko, eta postu onetan gara”.

Gure asmoa da operazioan sartzen diren saltokietako lanpostu guztiei eustea, lehengo lan baldintza beretan. Ia 300 profesional batuko dira EROSKIren langile taldera.

Hamar supermerkatu horiek lagunduko digute aurten betetzen 75 denda berri (propio nahiz frankizia erakoak) irekitzeko helburua.