Covid-19 krisialdian gure bezeroen portaeran izaten ari diren aldaketak monitorizatzen ari gara
Aldaketa bortitzak izaten ari gara, eta kontsumitzailea bere portaera eta erosteko eredua aldatzen ari da. EROSKI 3C plataformaren bitartez, datuak monitorizatzen ari gara aldaketa horiek zein diren ezagutu eta ulertzeko eta gure eskaintza komertziala horietara egokitzeko ahalik eta modurik zorrotzenean eta arinenean.
Aztertu ditugun datuek erakusten dute asteotan %30 igo dela supermerkatuetan —eta ia %40 hipermerkatuetan— oinarrizkoen kategoriapean saltzen direnak, hala nola lekaleak, pasta, arroza, kontserbak, olioa, esnea, haragi piezak, haurrentzako elikadura, esnekiak, azukrea, botikina eta higiene eta garbiketa produktuak.
“Igo egin da oinarrizkoen kategoriakoen salmenta. Gazteak eta seme-alabak dituzten familiak dendetara maizago joaten ari dira, eta 65 urtetik gorakoak, berriz, gero eta gehiago ari dira on line zerbitzua erabiltzen”.
Kontsumitzaileek ere beren kontsumo ereduak aldatu dituzte. Gure dendetara agertzen diren gazte eta heldu independenteen kopurua %35 igo da. Haurrak dituzten familiak ere maizago etortzen ari dira saltokietara, %23 maizago, baina, gainera, gastua %91 handitu dute. Aldaketarik esanguratsuena 65 urtetik gorakoetan dago; izan ere, on line zerbitzua darabiltenen kopurua %65 igo da.
Martxoaren 9tik 15era doa analizaturiko lagina, alarma egoera dekretatu aurreko eta ondoko egunak. Lau milioi bezeroren baino gehiagoren datuak monitorizatu ditugu EROSKI Club txartelaren bidez, gure dendak dauden eremu geografiko guztietan.
