Aintzindariak gara marka propioko produktuen ingurumen adierazpenak argitaratzen
EROSKI taldean konpromiso bat dugu kontsumitzaileekin, elikadura jasangarria, osasungarria eta arduratsua sustatzeko. Baina erabaki jasangarriak hartzeko jakin egin behar da, eta, hortaz, kontsumitzaileek erabaki arduratsuak hartuko badituzte, funtsezkoak dira gardentasuna eta heziketa.
EROSKIn pauso aitzindari bat eman dugu sektorean alde horretatik, eta kontsumo handiko lehen banaketa katea gara marka propioko ingurumen adierazpenak argitaratu ditugunak. Zehazki, gure markako EAEko esnea eta arrautzak egiaztatu ditu AENOR GlobalEPDk, bat etorriz EPD System Nazioarteko Programak eraturiko Produktu Kategoriaren Araudiarekin.
EROSKI Natur arrautza freskoak landa oiloenak dira, zeinek aire librean mugitzeko askatasuna duten. Eta EROSKI markarekin saltzen duen EAEko esneak Esne Produktu Jasangarriaren zigilua du, Nekazaritza, Arrantza eta Elikadura Ministerioak emana. Ingurumen adierazpen horiek garatzeko, Basque Ecodesign Centerrekin lankidetzan aritu gara, orobat Euskaber EAEko landa arrautzen ekoizleekin eta esnea ekoizten duen SAT Valle de Karrantzarekin; horko presidentea da Ramon Arriola, eta honela dio: “Nabarmendu beharrekoa da EROSKIk elikadura jasangarriarekin duen konpromisoa eta jasangarritasunaren aldetik nolako garrantzia duen esnekien sektorerako, tokian tokiko ekonomian duen inportantziagatik”.
“EROSKIn pauso aitzindari bat eman dugu sektorean, eta kontsumo handiko lehen banaketa katea bihurtu gara marka propioko produktuetan ingurumen adierazpenak argitaratu ditugunak.
Ingurumen arloko adierazpenek (Environmental Product Declarations) izaera gardena, konparagarria eta egiaztagarria ematen dute ingurumen aldetik; alde horretatik, nazioarteko araudiak betetzen dira, eta bizi zikloaren analisia egiten da. Produktu motaren araberako arau espezifiko batzuk betez eginda daudenez, mota bereko produktuak elkarrekin konpara daitezke ingurumen aldetik. Proiektu honek xehetasunez erakusten die ekoizleei bere produktuek nola eragiten duten ingurumenean eta nola hobe daitekeen eragina gutxitzeko.
Txostenek informazio xehea dakarte, esaterako, baliabide materialen, uraren eta energiaren kontsumoaz, etxaldeetan hasi eta kontsumitzailearen etxean sortzen den hondakinaren kudeaketaraino. Produktuek zenbait kategoriatan duten ingurumen-eragina ere xehakatzen da, hala nola klima aldaketa, azidifikazioa eta eutrofizazioa. Gure webean eskura daude ingurumen arloko adierazpenak, eta laster izango dira AENOR GlobalEPDrenean ere.
“Ingurumen adierazpen horiek argitaratuta, gardentasunaren eta formakuntzaren konpromisoa betetzen ari gara kontsumitzailearekin. Konpromiso horren harira, EROSKIk pausoak eman nahi ditu bere markako produktuek ingurumenean duten eragina kalkulatzeko”.
“Adierazpen hauek berme bat dira gure bezeroek produktuaz alde-aldeko ingurumen-informazioa izan dezaten. Ikusita zenbat kontsumitzen diren esnea eta arrautzak, kontsumitzaile askok jasangarritasunaren begirada erantsiko diote beren erosketei. Gainera, eragin didaktiko eta pedagogikoa du, eta, kooperatiba garen aldetik, bat dator gure izaera sozialarekin, orobat kontsumitzailea hezteko dugun konpromisoarekin, hark erosketak egiteko orduan erabaki arrazionalak hartzeko gaitasuna izan dezan”, azaldu du EROSKIren Osasun eta Iraunkortasun arloko zuzendariak, Alejandro Martinez Berriochoak.
Kontsumitzaileek gero eta informazio handiagoa nahi dute kontsumitzen dituzten produktuei buruz. Era berean, elikagaiak erosteko orduan, ingurumen jasangarritasunaren irizpideak aintzat hartuta ekoitzia izan dela eskatzen dute. Produktuen ingurumen adierazpen horiek argitaratuta, gardentasunaren eta formakuntzaren konpromisoa betetzen ari gara kontsumitzailearekin. Konpromiso horren harira, EROSKI pausoak eman nahi ditu bere markako produktuek ingurumenean duten eragina kalkulatzeko.